1 Kedinto 7:34 - Seysyo No Tao

³⁴ So ikanoyong da meykarwa rana so nakenakem ji Ama ta do to. O ji nimacivahavahay pa a mavakes am vazay na ni Ama ta do to o manakem da. Ta isaray da kapeykingking da no oyowyat da kano onowned da. O manakem da no nimacivahavahay rana a mavakes am vazay do kavavahay da. Ta naknakmen da o kapasaray da so mahakay da.

1 Kedinto 7:34 ပူးပေါင်းရင်းမြစ်များ

Yowani 10:13

O ikaro da do kagling no torwan da mapamangamangan so kagling am ji meyngongyod a mapeyvinyay sya. Am ori o ji na makakdengi jira apzatan.

Loma 6:13

Ji nyo mamyapyan o peyvongvongwan nyo a peylamlamsoin no raraten. Ta itoro nyo o kataotao nyo ji Ama ta do to a mahap so vazay na. O torwan nyo no kataotao nyo ji Ama ta do to am ahapen nyo o apya vazay na. Ta iya o na yapwan no vayo a inawan ta.

1 Kedinto 6:20

Ta inyo rana am na nipalit inyo no rala na ni Yeso. Am ori o azwazwain nyo si Ama ta do to no kataotao nyo an.

1 Kedinto 7:33

O manakem da no mahakay a yanan rana no tao am naknakmen da o kapasaray da so mavakes da.

1 Kedinto 7:35

O ko peycirngan sang am ko sidongen inyo. So ko ji mapasonsoni jinyo. Ta ori o ikakdekdeng nyo pa mahap so vazay na ni Ama ta do to a ji mangbeywan jya.

2 Kedinto 11:28

Beken a ori an, ta akma koy malpid no kataotao no masagpaw a rara ko, do kaji ko angnedan no ninyakan a makanakem so peycyakyokyokayan na.

2 Kedinto 8:16

Namen isaray ji Ama ta do to, ta na nipait si Tito. So na icyakman jyamen a yamakdeng a yasomidong jinyo.

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.

1 Timotay 3:5

Ta no ji na tenngi o vazay na do vahay da am jyabo kapakatalamozong na no kyokay a.

1 Timotay 5:5

O vao a mavakes rana abwata so mapeylamnay sya am ipeyhanhan na si Ama ta do to kapangday na meynozi do maraw a kano mahep a mapasyasi jya somidong sya.

Tito 3:8

So ikabo no kalalasan no ciriciring eya. Pakanakmen mo a ipanci jira oya an, a kowyat da no amraralay ni Ama ta do to a tao a meyvazay so apiya vazay. Ta o akman rana sya vazay am tey yapya a makasidong so tao.