1 Kedinto 7:32 - Seysyo No Tao

³² Ji kamo a rahet so onowned. Ta o mahakay a kabwan no tao am to nangdengi o kanakenakem na so vazay na ni Ama ta do to a ipasaray na sya.

1 Kedinto 7:32 ပူးပေါင်းရင်းမြစ်များ

Matay 13:22

O nizomsi do katamtamkan am katonodan no tao a omamizing so nanao ni Ama ta do to. Am masanga no vazay na do karawan a kalita jya no peymeymasaodan na. Am ori o ikabengbeng no ciring na ni Ama ta do to do onowned na.

Make 4:19

ji makapalasi, ta masanga sira no vazay da do karawan a kalita jira no peymeymasaodan da kano makakaday a ikeykakza da do karawan. Am ori o ikabengbeng no ciring na ni Ama ta do to do onowned da.

Yowani 10:13

O ikaro da do kagling no torwan da mapamangamangan so kagling am ji meyngongyod a mapeyvinyay sya. Am ori o ji na makakdengi jira apzatan.

1 Kedinto 7:33

O manakem da no mahakay a yanan rana no tao am naknakmen da o kapasaray da so mavakes da.

Veydipi 4:6

Ji nyo a ratan o makakaday a vazay nyo an. Ta ipanci nyo do inozi nyo o kakzeben nyo ji Ama ta do to a kasaray nyo so onowned a mapasyasi jya an.

1 Timotay 5:5

O vao a mavakes rana abwata so mapeylamnay sya am ipeyhanhan na si Ama ta do to kapangday na meynozi do maraw a kano mahep a mapasyasi jya somidong sya.