1 Kedinto 7:30 - Seysyo No Tao

³⁰ Tana meyngen o onowned a tana masaray, tana aro so apzapzatan a tana abo am taosya o kasanga na jinyo no makakaday a vazay a omraralay ni Ama ta do to.

1 Kedinto 7:30 ပူးပေါင်းရင်းမြစ်များ

Locya 16:25

Am maniring si Apolahan am, ‘Manganako, mo pa manakem no kapeyigegen mo do karawan asyo an, a to meypanpan do kanekanen mo an. Am si Lasalo am abo ipangakaday na do araraw. Am sicyaikwaya am yamyan rana do jya yamacikasaray jyamen, a imo am ka amlavi so onowned.

Locya 6:21

“Inyo rana yamakcin sicyakwaya am manoyong o kasaray nyo, ta mabsoy kamo na. “Inyo rana yamlavi sicyakwaya am manoyong o kasaray nyo an, ta mangay na pasarain inyo ni Ama ta do to an.

Locya 6:25

“Inyo rana mabsoy sicyakwaya am to kamo makasi no makwa an, ta mangay o kakcin nyo an. “Inyo rana yasomaray sicyakwaya am to kamo makasi no makwa an, ta mangay o kalavi no onowned nyo an.

Yowani 16:22

Ori an, nyo ikakman sang an. Tana kamo marahet so aktokto sicyaikwaya am cyaha, ta mai ko pa tomita jinyo a kasaray nyo a makacita jyaken. So ikabo no tao a makapehes sya jinyo so sarasaray nyo.

1 Kedinto 7:29

O ko ipanci pa jinyo, manga kakteh am yalikey rana ta yahap so vazay na ni Ama ta do to. Am ori an, inyo rana yamyan so kahanghangan a mavakes am akman kamo rana so kabwan no tao a abo rana so ikasanga a mahap so vazay na ni Ama ta do to.

1 Kedinto 7:31

O nimakataptap rana so kanekanen do karawan am akman sira so ji nitomaham do kanekanen. Ta o karawan eya am makeykai a komavos.

Ipaziman 18:7

O nakenakem na meyhahama no kabsoy na kano kazwayan na am meyvoga rana o kakdekdeng no ipasingkad na jya. So ikabo no kavyavyayan na a meyrarahet. Ta o aktokto na so kataotao na am, ‘Amlisna ko do lilisnan no panirsirngen. Beken a vao ko. So ikabo no alalaw ko.’

Ipaziman 7:17

Ta peyveyveknen na sira no meytatanek do sazapen no lilisnan a Kagling a kapangonong na nira yangay do atbodan no ranom a yakapwan no to meyyonong a ikavyay no pahad da. So ikanoyong ni Ama ta do to a omlinas do kaoo da.”