1 Kedinto 7:26 - Seysyo No Tao

²⁶ No ko citahen o alalaw do teyrahem am ko apyapyahen pa kakman ta sya tao a ji macivahavahay.

1 Kedinto 7:26 ပူးပေါင်းရင်းမြစ်များ

Matay 24:19

Do araraw no nang am to sira makasi o mamlis so kanen a kano mangahanas a mavakes.

Locya 21:23

O mapasoso a kano mangalavat do araraw no nang am to makasi sira an. Ta amyan so rako a alalaw a mangay domna do Isedi a tao.

1 Kedinto 7:1

O ciring nyo do teygami nyo am ko naknakmen o kapyapya pa no kaji mapazagpitan no mahakay.

1 Kedinto 7:27

No yarana myan jinyo so tao am ji nyo naknakma o kapakaro nyo sya. Am no si abo pa jimo tao am ji mo naknakma keyyan na jimo no tao.

1 Kedinto 7:28

Am no si ikakza mo o kapazagpit mo am cyaha, ta beken a raraten ori. Am ko apyapyahen pa kaji nyo nginaran sira masanga no meykamadadayan a vazay da do kavavahay da.

1 Kedinto 7:8

Sicyaikwa rana ya am ko pamizngen sira o ji pa nimeysinmo a tao a kano vao a mavakes a ominara jyaken. Ta apyapya pa o kaveyvow do vahay.

2 Tesalonicya 2:2

ji kamo tey makeykai a marahet nya so nakenakem no mamizing nyo o ipanci da no mangononong so malas do mina kapakaranes na rana no araraw na ni Yeso Kizisto a Panirsirngen ta. Tana mangamaog sira o tao so ciring a manci no kapo na do Seyzi a tana nipatolin da jyamen no tao a mapeyciring sya, tana ipanci da ciring namen do teygami am,

1 Pite 4:17

Yarana marateng sicyaikwaya o araraw no yana ipeykapyapinpin so tao ni Ama ta do to. Am papwen na do omanoyong jya tao o pacicin na. No si panmahen na yaten a pacicin ni Ama ta do to am makongo paro sira so wanjin o jya niomanoyong do Mapasaray a Ciriciring na ni Ama ta do to a tao.