1 Kedinto 7:22 - Seysyo No Tao

²² Ta o lamlamsoy da tao a omanoyong ji Yeso am to naliway rana sira do tangain na ni Ama ta do to. Akman so sang sira o to naliway a tao a omanoyong ji Yeso, ta lamlamsoy na sira ni Yeso Kizisto.

1 Kedinto 7:22 ပူးပေါင်းရင်းမြစ်များ

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

1 Kedinto 7:21

Tana nimeycicinda ka kalamsoyan da no tao no kapanaralay mo am ji mo a ratan. Akman ka sang so nakem no si ji da rana peylamlamsoya imo.

1 Kedinto 9:19

Yaken rana am yabo mapeylamlamsoy jyaken a tao. Am nakenakem ko o kakma koy lamlamsoy da no aro a tao, do ko kapanop sira.

1 Kedinto 9:21

Akman sang no kapacikaop ko do beken a tao do Yotay. Ta ko inarahen sira a ji ngahap so iwawalam na ni Moyse, do ko kahap sira yapanopen. Am beken a kaji ko ngonotan do iwawalam na ni Ama ta do to. Ta yako pangozayan o iwawalam na ni Kizisto.

Cyalatay 1:10

Manngwa, ko kakzeben o kazwazway da jyaken no tao a kapanci ko no akman sang? Jyabo kakman na sang a. O ko ikakza am azwain na yaken ni Ama ta do to. Manngwa, ko ikakza o kazwazway da jyaken no tao? No ikakza ko o tao a omazway jyaken am beken a lamlamsoy na yaken ni Kizisto.

Cyalatay 5:1

Na rana niovayan yaten ni Kizisto do yamvaod jyaten a iwawalam ni Moyse. Ori o ji nyo rana meyhanhani no adan a iwawalam ni Moyse.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Kelosi 4:12

Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.

Veydimeng 1:16

Iya rana sicyakwaya am beken a lamlamsoy an. Ta iya rana am akma tey kakteh do cinai. O akman rana sang a vazay jyaken am manoyong ori an. Kakwakwan ko a imanngo rana do akman jimo. Ta inyo rana am lamlamsoy na rana inyo ni Yeso a akmey meyketeh do cinai.

1 Pite 2:16

Inyo rana am kamo manoyong a italamozong ni Ama ta do to. Am ori o ji nyo rana pasngesngeni so marahet do onowned nyo. Ta manakem nyo o kakma nyoy lamlamsoy ni Ama ta do to.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.