1 Kedinto 7:2 - Seysyo No Tao

² Am yana katey yaro no vazay da yamapasagpyan so kataotao da. Am ori o ikapyapya na rana no kapazagpit da no mahakay. Akman sira so sang o mavakes a macivahavahay.

1 Kedinto 7:2 ပူးပေါင်းရင်းမြစ်များ

Matay 5:32

Am to ko na macitangayan jinyo am no amyan so ji na nimapanadnaji jimo no mavakes mo am ori o ipakaro mo sya. Am no abo am marahet o kato mapakarwan so kadwan do vahay. Ta no si mirwa a macivahavahay o mavakes am akmey nipya na o mavakes a mapasagpyan so kataotao na. O mapazagpit rana so akman sang a mavakes a tao am raraten na ori.

1 Kedinto 6:18

Am ori o ji nyo pasagpyani so kataotao nyo an. O makakaday a raraten am ji mapeykaraherahet so kataotao. Am o mapasagpyan so kataotao da am peykarehrehten da o kataotao da.

1 Kedinto 7:1

O ciring nyo do teygami nyo am ko naknakmen o kapyapya pa no kaji mapazagpitan no mahakay.

1 Kedinto 7:3

O mahakay am panadnaden na o kahanghangan na. Akman sang o mavakes na.

1 Kedinto 7:9

Am no si ji nyo apzaci o onowned nyo am apyapya o kapazagzagpit nyo. Ta maraherahet o kato na ngyanan do onowned nyo no kakey nyo a macivahavahay.

Ivoso 5:28

O mahakay rana am ikarilaw na o katovong na do vahay. To na peynara o aryarilaw na so kataotao na a marilaw no mavakes na. Ta o marilaw no mavakes na am marilaw no kataotao na.

Ivoso 5:33

So icyakman nyo sang a mahakay a marilaw no katovong nyo do vahay. To nyo peynara do karilawan nyo no kataotao nyo o karilawan nyo nira. Am panadnaden nyo a mavakes o kahanghangan nyo.

1 Tesalonicya 4:4

So ikamimin nyo a mahakay a makateneng do kabo no karatan nyo a mapasakay so kadwan nyo do vahay. Ji nyo to mangozai o onowned nyo. Ta ozain nyo si Ama ta do to an.

1 Timotay 4:3

Ipanci da o macivahavahay a kano mapasakay yamalas, a kapanci da no kaji nganan so karwan no kanekanen. Am o kanekanen rana am nyamamaog na ni Ama ta do to. So sarayan da nya kakan da rana sya no omanoyong ji Yeso a kano makateneng do ciriciring na.