1 Kedinto 7:17 - Seysyo No Tao

¹⁷ Mamimin ta mangozay do nitoro na ni Ama ta do to a ahapan so kataotao ta an. So ji ta mapasalai jya. Ta ori o yako ipangnanao do peycyakyokyokayan na.

1 Kedinto 7:17 ပူးပေါင်းရင်းမြစ်များ

Matay 19:12

Ta aro peypeypangayan no kaji mapasakayan no tao. Ta tatasa ka tao o nimeycicinda no kalyalikey da o kasalit na jira no kapasakasakay da. Am o tatasa ka tao am amyan so peypeypangayan no kaji da mapasakasakayan. O tatasa ka tao am to da rana mamneki o kaji da mapasakasakayan, do kahap da so vazay ni Ama ta do to. So ipeykataretarek no tao a omahap so nanao eya.”

1 Kedinto 10:32

Am ori an, ji nyo mamyapyai no kapacinara da jinyo a meyraraten no tao do Yotay a kano beken a tao do Yotay a kano tao do peycyakyokyokayan na.

1 Kedinto 11:16

No si myan pa so jyalpid a tao am naknakmen na o kabo no meytarek a iwawalam ta. So da ikamimin no peycyakyokyokayan na yanan no yakman sang a iwawalam.

1 Kedinto 11:34

No myan so makcin am manmanma koman do vahay da an, a kabo na no oyaoya na ninyo ni Ama ta do to no meylovolovot kamo. Yapa myan so ipanci ko jinyo am cyaha, ta ipanci ko no ipisa kai ko.

1 Kedinto 14:33

Ta o yaomoyat jira Tao do to am beken a yamapeyzavozavoz so vazay. Ta na twatontonen o vazay na. O iwawalam do peycyakyokyokayan na am,

1 Kedinto 16:1

O peysinsinmowen rana isidong so sinjya do Yelosaleng am to nyo manginarai o mina ciring ko so peycyakyokyokayan na do Cyalatay.

1 Kedinto 4:17

So tovoyan ko si Timotay a mangay jinyo do dang. Ta iya rana do ta raralayan ni Yeso am ney mowyat ori akma koy anak. So pazimanan na sya jinyo so ahahapan ko sya, do ko kararalay ni Yeso Kizisto. Ori rana am nipangnanao ko rana ori do peycyakyokyokayan na.

1 Kedinto 7:18

Inyo rana tao do Yotay a niyongkadan rana do kataotao a manoyong a Isedi a tao a yamraralay rana ni Yeso am cyaha, ji nyo naywa o yongkad nyo. Am inyo rana beken a tao do Yotay a omanoyong rana ji Yeso am tana abo yongkad do kataotao nyo am abneken na inyo a anak na ni Ama ta do to.

1 Kedinto 7:24

Manga kakteh, ji nyo ngezsangan o kasasaodan nyo do tangain na ni Ama ta do to.

1 Kedinto 7:7

Ko ikakza o kakman nyo jyaken a ji nimapazagpit. Am kaji na meyyangangayan no nakenakem do kataotao a nitoro na ni Ama ta do to. Ta myan so tao a akman sang. Amyan so tao a jyakman sang.

2 Kedinto 11:28

Beken a ori an, ta akma koy malpid no kataotao no masagpaw a rara ko, do kaji ko angnedan no ninyakan a makanakem so peycyakyokyokayan na.

2 Kedinto 8:18

Namen manovoy so yasa ka tao a macihza jya. Iya rana am da ikanig no tao do peycyakyokyokayan na a yameylimwang no Mapasaray a Ciriciring na ni Ama ta do to.

Cyalatay 1:22

No kano nang am ji da pa nimacita yaken no sinjya do Yotay.

1 Tesalonicya 2:14

Manga kakteh, o alalaw nyo a kano alalaw da no aro a kyokay do Yotay am alalaw da ori no omanod ji Ama ta do to a tao. Ta o iraherahet da jinyo no keylyan nyo am akman so sang o iraherahet da so aro a kyokay no tao do Yotay.

2 Tesalonicya 1:4

Am ori o namen azwazwayan jinyo do peycyakyokyokayan na a namen angayan. Tana yarako o alalaw nyo a da peyrarehten no tao do nyo kanod ji Yeso am yajyablis o nakenakem nyo an. Am ori o namen azwazwayan jinyo.