1 Kedinto 7:10 - Seysyo No Tao

¹⁰ So iyan no ciring ko do nimeysinmo rana tao. Ta beken a nakenakem ko ya, ta nakenakem na ni Yeso. O mavakes rana am ji na ngaroi o kahanghangan na mahakay.

1 Kedinto 7:10 ပူးပေါင်းရင်းမြစ်များ

Matay 5:32

Am to ko na macitangayan jinyo am no amyan so ji na nimapanadnaji jimo no mavakes mo am ori o ipakaro mo sya. Am no abo am marahet o kato mapakarwan so kadwan do vahay. Ta no si mirwa a macivahavahay o mavakes am akmey nipya na o mavakes a mapasagpyan so kataotao na. O mapazagpit rana so akman sang a mavakes a tao am raraten na ori.

Make 10:2

O tatasa ka tao a macyagom do Vadisay am mangay sira ji Yeso. Naknakmen da o keyleylamdam da sya. Maniring sira jya am, “Ikongo yadomket do iwawalam ta do mahakay a mapakaro so kataned na do vahay. Pancyan pala jyamen.”

Locya 16:18

“O mapakaro so kahanghangan na mavakes a kapapapen na pa so karwan no tao am raraten na ori. O mapapapen so nipakaro da mavakes am raraten na ori.”

1 Kedinto 7:11

No manoyong kanikomaro na rana am ji rana macivahavahay no ji rana meyoli do kahanghangan na. So icyakman na sang no mahakay, ta ji na to pakarwa o kahanghangan na mavakes.

1 Kedinto 7:12

Akman sang, ta yamyan so ciring ko do karwan no tao. Am beken a nakenakem na ni Yeso. No myan so manaralay a nimapazagpit rana so ji manaralay a mavakes a kasaray na macitovong jya am apya o akman sang an. So ji na to pakarwi so kahanghangan na mavakes.

1 Kedinto 7:15

Am no karwan da sira o manaralay a kadwan da do vahay am to nyo na macyozai o akman sang. Tana mahakay a tana mavakes am ji nyo na ratan, ta o nipamnekan na jyaten ni Ama ta do to am kakzeben na yaten apiya so nakenakem do kavavahay ta.

1 Kedinto 7:25

Omagaz rana do ji pa nimacivahavahay a tao am abo nimahap ko a nakenakem na ni Yeso Kizisto. Am kanimarilaw na nyaken ni Ama ta do to a meyhanhan nya. So ko pangozayan do kataotao ko a yamapatwaw so ciring ko.

1 Kedinto 7:40

Am no ji na ranakzan o kapacivahavahay na am apyapya rana o akman sang. Ori rana am nakenakem ko ori do kataotao ko. Am ko naknakmen o katalamozong na nyaken no Seyzi na ni Ama ta do to.

1 Kedinto 7:6

O ciring rana ya am beken a ko ipasonson jinyo. Ta ko ikarilaw inyo.