1 Kedinto 6:9 - Seysyo No Tao

⁹ Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

1 Kedinto 6:9 ပူးပေါင်းရင်းမြစ်များ

Matay 19:29

O mahap so vazay ko a to rana ngaro do kavavahay da kano kakakteh da kano inyapwan da kano minapodpod jya kano nihakawan da am arwaro pa o makadpeh jira a kapakahap da so to meyyonong a ikavyay no pahad da.

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Locya 21:8

Maniring si Yeso am, “Azimanen nyo an. Ta ji kamo a litai an. Ta mangay o keyyan no aro a tao amvood so ngaran ko a manci no, ‘Yaken am si Kizisto ko,’ a kapanci da pa no, ‘Yamasngen rana o araraw no kavosan no karawan.’ Am ji nyo ngonoci sira an.

Nimlivolivon 20:32

“Sicyaikwaya am ko na to norwan inyo ji Ama ta do to. Ta ko ipeyhanhan o pangangarilawan na ni Ama ta do to a somidong jinyo a to ngotokot so nakem a meyhanhan nya. No si makman kamo sang am mahap nyo na o igeygeglaw na so omraralay nya tao.

Nimlivolivon 24:25

Karahan am ononongan na rana ni Pawlo jira a meyyaven do vahay o kapiya no icicirawat a omzat do onowned mangay do ikarateng no araraw na no ipeykapyapinpin na so tao ni Ama ta do to. Mamizing na ori ni Veydise am manyahey rana o onowned na. Maniring ji Pawlo am, “Angay rana. No ipanci ko imo am mai ka.”

Loma 1:18

Nipaziman na rana ni Ama ta do to o rako a oyaoyyan na no meyraraten a tao a kano ji raralay nya tao. O raraten no tao am ori o yambonbon do yamanoyong a nanao na ni Ama ta do to.

1 Kedinto 15:33

Ji kamo todakakey a kalittan. No macikagagan ka do somagpyan a tao am mangay kapasagpyan na jimo so icicirawat.

1 Kedinto 15:50

Manga kakteh, o ko ipanci am o kataotao ta sicyaikwaya am ji macikaop do italamozong na ni Ama ta do to no makwa, ta mawakwak o kataotao ta do teyrahem eya.

1 Kedinto 3:16

Manngwa, nyo jyatenngi o na kapacilovot jinyo ni Ama ta do to? Manngwa, nyo jyatenngi na keyyan jinyo no Seyzi?

1 Kedinto 5:1

Yamanoyong o kanimakamizing ko so keyyan na jinyo no mapasagpyan so kataotao na. O akman rana sang a vazay am ji da mya no ji manaralay a tao. O nimamizing ko am amyan so tao a mapasagpyan so nakenakem na do kaminan na.

1 Kedinto 5:10

O ko ipanci am beken a ji manaralay a tao a somagpyan, mangamkam, manakaw a kano manaralay so malas a iraralay. Ta no si karwan ta na o karawan saon o ji ta macikaopi jira.

1 Kedinto 5:11

O peypeypangayan no ciring ko am ji macihza do mapasagpyan so nakenakem na, mangamkam, manaralay so malas a iraralay, mangangavain, masakisakin a kano manakaw a ji mamlis so nakenakem a sinjya. So ikanoyong no kaji nyo macihzan jira a ji macihanghang jira.

1 Kedinto 6:10

manakaw, mangamkam, masakisakin a kano manraherahet so icyatatao a kano amgacigat do tao a tomoro am o akman rana sang a tao am ji sira macikaop do italamozong na ni Ama ta do to no makwa.

1 Kedinto 6:18

Am ori o ji nyo pasagpyani so kataotao nyo an. O makakaday a raraten am ji mapeykaraherahet so kataotao. Am o mapasagpyan so kataotao da am peykarehrehten da o kataotao da.

1 Kedinto 6:19

Nyo jyatenngi o na keyyan jinyo no Seyzi na ni Ama ta do to a nitoro na jinyo? So ikabeken a inyo no kataotao nyo.

1 Kedinto 9:24

Katenngan nyo an. Tana aro o macipalalayo a tao am asa saon o azawen da am. Akman kamo so sang an, a makdeng a malalayo a kapakahap nyo so yazaw na jinyo ni Ama ta do to.

2 Kedinto 12:21

Ko ihawa o kapacimasesnek ko ninyo do tangain ni Ama ta do to no ipisa mangay ko jinyo. Jyabo kaji ko lavyan a makacita so aro a somagpyan a kano mangzakza no kakwa pa a ji mamlis so nakem a tao a.

Cyalatay 6:7

Ji kamo manayotayo do tangain na ni Ama ta do to. Ta abo matayo ta do tangain na. So ikanoyong no kapacilocilolo no mahap no tao do makakaday a mina vazay na.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

Sipolay 12:14

Makowyowyat kamo pa mapeypyapya so nakenakem nyo a kano tao. Ahapen nyo o ji meylimoteng a onowned nyo a macikaop jira. No abo o akman sang jinyo am abo jinyo o makacita si Ama ta do to do teyngato.

Sipolay 12:16

Taosya o kapasagpyan nyo so aktokto nyo. Ji nyo nginara si Isaw a meyparai ji Ama ta do to a mangazaw no ngaran na kabnekan ni ama na, do kaooo na no pinaring na kanen ni wari na.

Sipolay 13:4

Naknakmen nyo o kakdeng no meysinmo a tao. Masipanadnadnad kamo so nakem a marwarog do vahay. Ta o mapasagpyan so aktokto a tao am pasingsingtan na ni Ama ta do to.

Yake 1:16

Manga kakteh, naknakmen nyo an.

1 Yowani 3:7

Manga ovay, ji kamo a litai an. O apya so icicirawat a tao am manoyong o akman sang a ji meylimoteng so onowned a tao, akman si Kizisto a ji meylimoteng so onowned.

Ipaziman 21:8

Am sira rana manyahey a tao a kano ji nganoyong jyaken a tao a kano somagpyan a kano manwakwak a kano mangzakza so icyatatao da kano manlita no oyowyat ni Satan a kano manaralay so malas a iraralay a kano mangalalas a tao am amyan so akmey awa so karakorako a lila no apoy a omapanala sira. Ori rana am ipirwa kawakwak ori.”

Ipaziman 22:15

Am sira rana somagpyan a kano manlita no oyowyat ni Satan a kano mangzakza so icyatatao da kano mangap so tao a kano manaralay so malas a iraralay a kano jyanoyong so ciring a kano iwawalam am mamimin sira mavezed do pantaw no ili.