1 Kedinto 6:14 - Seysyo No Tao

¹⁴ Si Ama ta do to o nimapeyvangon si Yeso do heseb na. So icyakman na sang ni Ama ta do to a mangozay do oyowyat na a mapeyvangon jyaten no makwa.

1 Kedinto 6:14 ပူးပေါင်းရင်းမြစ်များ

Nimlivolivon 17:31

Ta na nipamnekan o araraw na ni Ama ta do to a tomovoy so nipamnekan na a mapacici so tao do teyrahem. Ta iya rana am ji mapeycyakaban so tao. So na jyalasi no kanimawakwak na a kapirwa na sya avyain ni Ama ta do to.”

Nimlivolivon 2:24

Am mina kapirwa na sya avyain ni Ama ta do to. So ikabo rana no alalaw na ikawakwak na.

Nimlivolivon 2:32

“Ta si Yeso am nivyay ni Ama ta do to. Ta yamen rana am yongkad no akman sang a vazay. Ta nimacita namen rana ori a nimavyay. So namen pancyan nya jinyo.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

1 Kedinto 15:23

Am matwatonton o tao a mirwa a mavyay. Ney manma am si Kizisto. O tomonton am amraralay nya tao, no si marateng o araraw no yai na ni Kizisto,

2 Kedinto 13:4

Tana yakmey yabo oyowyat na ni Kizisto do yada kanimapadket sya do jyojika am oyowyat na ni Ama ta do to o yanimapeyvangon sya. So namen ikakman sang akmey abo so oyowyat a yamacikaop ji Kizisto. Am no namen ioya inyo am oyowyat na ni Ama ta do to o namen pangozayan an.

2 Kedinto 4:14

Namen katenngan o yanimapeyvangon si Yeso a Tao do to a mapeyvangon jyamen akman si Yeso a kamimin ta na macikaop jya do teyngato.

Veydipi 3:21

Pangozayan na do oyowyat na ipanod na so makakaday do sinokob no hanit a iblis na so kataotao ta do karawan. So icyakman takamo so kataotao na ni Yeso a maniray a ji rana wakwak.

1 Tesalonicya 4:14

Ta yata anoyngan si Yeso a nimawakwak a kapirwa na mavyay. Akman sang, ta yata anoyngan si Ama ta do to a mapeyvangon so omanoyong jya a nimawakwak a tao. No mirwa pa si Yeso a mai am macihza sira mai.