1 Kedinto 5:9 - Seysyo No Tao

⁹ O mina teygami ko jinyo no kakwa am nipaziman ko na jinyo o kaji nyo macihzan do mapasagpyan so nakenakem a tao.

1 Kedinto 5:9 ပူးပေါင်းရင်းမြစ်များ

1 Kedinto 5:10

O ko ipanci am beken a ji manaralay a tao a somagpyan, mangamkam, manakaw a kano manaralay so malas a iraralay. Ta no si karwan ta na o karawan saon o ji ta macikaopi jira.

1 Kedinto 5:2

Ikongo dang o pazwain nyo. Manngwa, ji nyo a ratan so onowned o akman so sang so vazay a tao? Am ori o to nyo na pasyai so akman sang a tao.

1 Kedinto 5:7

So pakarwan nyo so kosozi no odong a mapeyraraten jinyo, ta ori o ikanownaw no onowned nyo a nimavonas rana so raraten. Ta nimawakwak si Yeso Kizisto a yanimalit so raraten ta, akmey kagling a wakwaken da no tao do Yotay. So nipatastasan na sira no tinsi a jya nimwakwak so kabnekan da no yanan no rala no kagling a vahay.

2 Kedinto 6:14

Ji kamo macizanod so onowned do ji manaralay a tao an. Ta ji meyyangay o pangtoktwan nyo a ka nira. Ta jyabo kapeyzavoz no apya kano marahet a. Akman sang o mazngang a kano kasarisaryan, ta ji meyzavoz.

2 Kedinto 6:17

Am ori o ji nyo pehngai so onowned nyo do ji manaralay a tao. Ji kamo macizanod jira. Ji nyo nginara o malas a vazay da. Ta ori o sarayan ko ninyo.”

Ivoso 5:11

Ji nyo nginara o marahet a vazay da no amyan do kasarisaryan a yameyraraten a tao. Ta apyapya o kapacimalag nyo so apya vazay nyo jira. Ta ori o ipakateneng da do marahet a vazay da.

2 Tesalonicya 3:14

Ala amyan so tao a to nazibo no ciring namen do teygami. Am o akman rana sang a tao am azimanen nyo an. Ji kamo maciwalam jya an a kasnek na.

2 Tesalonicya 3:6

Manga kakteh, namen pangozayan o ngaran ni Yeso Kizisto a Panirsirngen ta a manci nya jinyo. Ji nyo nganopa sira o akma tey kakteh do cinai a abwata so vazavazay a yaji ngahap so nanao namen jinyo.