1 Kedinto 5:8 - Seysyo No Tao

⁸ Ori an, sarayan ta ni Yeso a nimawakwak no raraten ta. So ikanoyong ta rana komaro do peyraratenan ta. Taosya rana mangalalas a kano meyraraten a icicirawat an. Ta o manownaw a onowned a kano manoyong a nanao o ahapen ta, akman so kabwan no kosozi a odong.

1 Kedinto 5:8 ပူးပေါင်းရင်းမြစ်များ

Matay 16:12

Ori o nipakatenngan da rana ji Yeso no macinanao jya do kaji na ngaingan do kosozi no odong. Ta pakacirngen na do marahet a nanao da no tao a macyagom do Vadisay a kano macyagom do Satokay.

Matay 16:6

Maniring si Yeso jira am, “Azimanen nyo o akmey kosozi no odong a yamyan do tao a macyagom do Vadisay a kano macyagom do Satokay.”

Make 8:15

Maniring si Yeso jira am, “Azimanen nyo o akmey kosozi no odong a yamyan do tao a macyagom do Vadisay a kani Helote.”

Locya 12:1

No kanang am meycyalaklaksa o tao a meysilisilin. Am ori o nipacizasazasag da so ai. Meyratateng am panomanomahen na ni Yeso o kananao na so macinanao jya. Maniring am, “Azimanen nyo o iyangay da no tao a macyagom do Vadisay. Ta akmey yapya do cittan sya am beken a manoyong sira an.

Yowani 1:47

Macita ni Yeso si Natannay mangay jya am maniring jya am, “Yameysinogat ori a Isedi a tao. Yabo do onowned na o yamalahet.”

1 Kedinto 3:3

Ta inyo rana am nyo pa pangozayan o icicirawat no tao. Ta amyan pa jinyo so yamanginanahet a kano yamgalagal a tao. O na ikakman sang am kakownongan na no nyo kapacikaop pa do karawan.

1 Kedinto 5:1

Yamanoyong o kanimakamizing ko so keyyan na jinyo no mapasagpyan so kataotao na. O akman rana sang a vazay am ji da mya no ji manaralay a tao. O nimamizing ko am amyan so tao a mapasagpyan so nakenakem na do kaminan na.

1 Kedinto 5:6

Taosya o kapakazwazway nyo. Nyo jyatenngi o ciring a manci no, “O likta kosozi no odong am mapeymway na o rako a odong.”

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

2 Kedinto 8:8

Am beken a ko gacigatan inyo a mapeyvazay sya. Ta ko ipaziman jinyo o kakdekdeng da no sinjya do Maciton a somkad do kanoyong na kalas na no pangangarilawan nyo so icyatatao nyo.

Ivoso 6:24

Inaoy no si itoro na ni Ama ta do to o pangangarilawan na jinyo a yajyahayo a yamraralay ni Yeso Kizisto a Panirsirngen ta.

1 Pite 4:2

Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.