1 Kedinto 5:6 - Seysyo No Tao

⁶ Taosya o kapakazwazway nyo. Nyo jyatenngi o ciring a manci no, “O likta kosozi no odong am mapeymway na o rako a odong.”

1 Kedinto 5:6 ပူးပေါင်းရင်းမြစ်များ

Matay 13:33

Ipanci na pa ni Yeso o asa ka pehngehngayan na so ciring na. Maniring am, “O ipeyparo da no tao a macikaop do italamozong na ni Ama ta do to am akman rana so kosozi no odong a ahapen no mavakes a pazavozen do odong a ipeymway na sya.”

Locya 13:21

Oyowyat na ni Ama ta do to do talamozongan na ninyo am akman so kosozi no odong a ahapen no mavakes a pazavozen do odong a ipeymway na sya.”

Loma 6:16

No onotan nyo o ciring no tao am manoyong kamo a lamlamsoy da. Akman sang, ta no si onotan nyo o raraten am manoyong kamo a lamlamsoy no raraten a mangay do kararatan. Am no si onotan nyo si Ama ta do to am abneken na inyo a abo so raraten do tangain na.

1 Kedinto 15:33

Ji kamo todakakey a kalittan. No macikagagan ka do somagpyan a tao am mangay kapasagpyan na jimo so icicirawat.

1 Kedinto 3:21

Am ori o ikabo no tao a mapazway a manci no kownot na do kadwan jyamen. Ta yamen rana a yamangnanao am nitovoy na yamen jinyo ni Ama ta do to a amnanao jinyo.

1 Kedinto 5:2

Ikongo dang o pazwain nyo. Manngwa, ji nyo a ratan so onowned o akman so sang so vazay a tao? Am ori o to nyo na pasyai so akman sang a tao.

Cyalatay 5:9

Ta naknakmen nyo pala o kosozi no odong. Tana alikey pazavozen am mapeymway na o nipeysolisoliket a odong. Akman sang o malas a nanao a makeykai a meylimwang a ikarahet no tao.

2 Timotay 2:17

Ta o ipangnanao da rana am akmey noka jyapya a makatotoin. Yamacyangay jira ang si Siminay a kani Veydito.

Yake 4:16

Am ikeykongo kamo eya a yato mapahama so nakem a ji mangozay do nakenakem na jinyo ni Ama ta do to. O mapazway rana ya am malas ya a vazay.