1 Kedinto 5:5 - Seysyo No Tao

⁵ O akman rana sang a tao am to nyo macyozai a kapeyingnen na so kataotao na ni Satan. Si maliliw na o kataotao na meyngen am ori o ipamlis na rana a kavyay no pahad na no si pirwa mai si Yeso a Panirsirngen ta.

1 Kedinto 5:5 ပူးပေါင်းရင်းမြစ်များ

Matay 4:10

Tovisan ni Yeso am, “Angay rana mo Satan! Ta o ciring do Seysyo am, ‘Iraralay nyo o Panirsirngen a Tao do to nyo. So ika iya na no iraralay nyo. Ta abo o ikararwa na a iraralay nyo an.’ ”

Locya 22:31

Maniring pa si Yeso am, “Mo Simong, cittey si Satan a nipya ni Ama ta do to a mangay a omlita jinyo.

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

1 Kedinto 11:32

Am o oyyan na nyaten ni Ama ta do to am inanao na jyaten. Ta ori o ji ta macizanoji do ji nganoyong jya tao a peydednan na so peyoyaoyyan na no makwa.

2 Kedinto 10:6

No si manoyong o kanod nyo rana ji Ama ta do to am ioya namen sira o ji ngonot a tao.

2 Kedinto 12:7

Ta maraherahet o kazway ko so teywara a nimacita ko a vazay do teyngato. So na iyan do kataotao ko no ko maliliw a akma ney bakbakan jyaken ni Satan. Ori o ko ji makadkeci do ko kapazway so kataotao ko.

2 Kedinto 13:10

O ko peyteygamyan ninyo am ko kakzeben o kaji ko oyyan ninyo a mangozay do oyowyat na ni Kizisto no si mai ko jinyo do dang. Ta o yana nitoro ni Kizisto a oyowyat na jyaken am isidong ko jinyo. Beken a ioya ko inyo.

Veydipi 1:6

Ko anoyngan o na kapeyvazay do onowned nyo ni Ama ta do to icyakma ney kanapnapan a ovid. Jyabo kakavos no nya vazay na jinyo a mangay no si komavos o akman sya no si ipirwa pa mai si Yeso Kizisto.

1 Timotay 1:20

O akman rana sang a tao am si Siminay a kani Yadisanta. So ko na nitorwan nira ji Satan a italamozong na, ta ori pa o ipakateneng da do apya, kaji da na rehrehtan si Ama ta do to.

2 Timotay 1:18

Inaoy no ikasi na ni Yeso a Panirsirngen ta no si marateng rana o yai na a mapeykapyapinpin so tao do karawan. Yamo katenngan rana o aro a vazay a nisidongan na jyaken no keyyan ko pa do Ivoso.

2 Pite 3:12

a omapananala so araraw ni Ama ta do to a ji meyyahahay a makaranes. No si marateng o araraw ori am matemtem o masaod no hanit. So ikabo na rana no masaod no hanit a omonag no lila no apoy.

1 Yowani 5:16

No makacita kamo so akma nyoy kakteh do cinai a meyraraten am ipeynozi nyo ji Ama ta do to a kavonas na jya kapanta na nya so to meyyonong a ikavyay no pahad na. Am o omalalas do Seyzi am ji ko na mancyan o kapeynozi nyo nya. Ta manoyong o akman sang a peydednan no peyoyaoyyan na ni Ama ta do to.