1 Kedinto 5:3 - Seysyo No Tao

^3-4 Yaken rana am tana yamarai o kataotao ko jinyo am onowned ko am yakmey to ngyan jinyo. So yako pangozayan do ngaran na ni Yeso a yamwoya no yakman sang so vazay a tao. So yako icyakmey yamyan jinyo do dang. No malwalovot kamo am akma koy to macilovot jinyo so onowned, do ko kapangozay do oyowyat na ni Yeso a Panirsirngen ta.

1 Kedinto 5:3 ပူးပေါင်းရင်းမြစ်များ

1 Kedinto 5:12

Ji ta zyakan sira o ji manaralay a tao, ta si Ama ta do to o mapacici sira. Am o manaralay a tao am jyabo kaji ta mapatwawan so raraten da. Ta maniring do Seysyo am, “Pasyain nyo jinyo o meyraraten a tao.”

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 10:11

O mapeyciring sya a tao am naknakmen da an, no kabo namen an. Ikongo ciring namen do teygami. Jyabo namen kapacitarek so yanamen ahahapan sya do namen yai rana.

2 Kedinto 13:2

Ko ipanci pa jinyo akman so nipaziman ko na jinyo no keypidwa ko a mai jinyo no kakwa. Am manakem nyo no kaji ko pa angayan jinyo sicyaikwaya an. Ta no ipisa mai ko am jyabo asa ka tao a makatayo do oyaoyyan ko ninyo a.

Kelosi 2:5

Tana ko ji ngyan jinyo do dang am cyaha, ta yamyan jinyo o onowned ko. So ko ikasaray a yamakanakem jinyo a mowyat so onowned a meyhanhan ni Kizisto.

1 Tesalonicya 2:17

Manga kakteh, tana yapa jyownay o namen nikaro jinyo am namen ikapaw inyo. Tana namen ji macikaop jinyo am cyaha, ta yamacikaop jinyo o onowned namen. Inaoy no si mirwa namen pa makacita inyo.