1 Kedinto 5:11 - Seysyo No Tao

¹¹ O peypeypangayan no ciring ko am ji macihza do mapasagpyan so nakenakem na, mangamkam, manaralay so malas a iraralay, mangangavain, masakisakin a kano manakaw a ji mamlis so nakenakem a sinjya. So ikanoyong no kaji nyo macihzan jira a ji macihanghang jira.

1 Kedinto 5:11 ပူးပေါင်းရင်းမြစ်များ

Matay 18:17

No ji na pa ngamiznga am to mo nangayan do tangain no aro a sinjya a manci no cinapowapwan na no vazay. No ji na pa ngamiznga sira am to nyo rana ngopas o ngaran na, kaji na rana macibedbedan jinyo.

Matay 23:25

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Inyo rana am nyo ji peylolita o kakanan nyo. Am onowned nyo am yamapno no yamakakaday a nyo peyraratenan.

Locya 18:11

Meytatanek a meynozi o tao a macyagom do Vadisay am ipanci na o, ‘Mo Ama do to, ko isaray imo, ta ko jyakman so karwan no tao a yamangagom, mangzakza so icyatatao na, manlita. Ko jyakman so mapeyvazay so deyking a tao a yameyraraten.

Locya 21:34

“Am ori o apzatan nyo do onowned nyo an. Ta ji kamo to ngyop so saki a maozoz no meykamadadayan a ikeykakza nyo. Ta ji nyo a tenngi o araraw na no ipeydedna na jinyo.

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 9:17

Am ori o nyangay na rana ni Ananiya. Somdep rana do vahay am paoptahen na o lima na do kataotao na ni Sawlo. Maniring am, “Mo kakteh, o mo nimacita do rarahan a Panirsirngen ta si Yeso am na nitovoy yaken a mai a tomazogaw nimo. Ta kakzeben na imo a makacita rana a italamozong no Seyzi.”

Loma 13:13

To ta peynara o icicirawat do maraw. Ji ta to ngyop so saki. Ji pasagpyana o aktokto. Ji maciskaskad. Ji manginanahet.

Loma 16:17

Manga kakteh, o ko ivavaga jinyo am azimanen nyo sira o mangamaog so ciring a ipeyvwak da jinyo a iraherahet da so nakenakem da no amraralay ni Ama ta do to. Azimanen nyo sira o amlikolikod do manoyong a nanao a nimamizing nyo. Ta o akman rana sang a tao am ji nyo macikasngeni sira.

1 Kedinto 10:14

Am ori an, ji kamo rana manaralay so malas a iraralay nyo, manga keypong an.

1 Kedinto 11:21

Ta yamyan so yato manmanma koman a da keyyop. So na iyan no manowji a ji makapis so nipeylovolovot da kanen. Am ori o ipeykakcin da.

1 Kedinto 6:10

manakaw, mangamkam, masakisakin a kano manraherahet so icyatatao a kano amgacigat do tao a tomoro am o akman rana sang a tao am ji sira macikaop do italamozong na ni Ama ta do to no makwa.

1 Kedinto 6:6

Ikeykongo kamo a yamakalavat so da karatan no kakteh nyo do tangain no ji nganoyong ji Yeso a tao.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

1 Kedinto 7:12

Akman sang, ta yamyan so ciring ko do karwan no tao. Am beken a nakenakem na ni Yeso. No myan so manaralay a nimapazagpit rana so ji manaralay a mavakes a kasaray na macitovong jya am apya o akman sang an. So ji na to pakarwi so kahanghangan na mavakes.

1 Kedinto 7:15

Am no karwan da sira o manaralay a kadwan da do vahay am to nyo na macyozai o akman sang. Tana mahakay a tana mavakes am ji nyo na ratan, ta o nipamnekan na jyaten ni Ama ta do to am kakzeben na yaten apiya so nakenakem do kavavahay ta.

1 Kedinto 8:11

O malma pa so onowned a akma tey kakteh do cinai a nikawakwak ni Kizisto am jyabo kaji na ratan so kangangay a makacita jinyo a.

Cyalatay 2:12

Ta no keyyan na rana ni Pite do Antia am nimacyakan do beken a tao do Yotay a sinjya. Am makaranes rana sira o nitovoy ni Yake a tao do Yotay am ji na ranadkeci ni Pite o kapacyakan na do beken a tao do Yotay. Ta ihawa na sira o tao do Yotay a mazyak nya. Ta sira rana am pangozayan da pa o iwawalam ni Moyse a amyongkad do kataotao da.

Ivoso 5:18

Ji ta todasaki, ta makararahet so tao o akman sang. Apyapya pa o kakza ta no Seyzi a tomalamozong nyaten.

Ivoso 5:5

Ta o mangzakza kano mangagom a tao am ji na nalamozongan o akman sang ni Yeso Kizisto a kani Ama ta do to. Ta akma ney pahamahamahen pa o pangagoman na kani Ama ta do to.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

2 Tesalonicya 3:14

Ala amyan so tao a to nazibo no ciring namen do teygami. Am o akman rana sang a tao am azimanen nyo an. Ji kamo maciwalam jya an a kasnek na.

2 Tesalonicya 3:6

Manga kakteh, namen pangozayan o ngaran ni Yeso Kizisto a Panirsirngen ta a manci nya jinyo. Ji nyo nganopa sira o akma tey kakteh do cinai a abwata so vazavazay a yaji ngahap so nanao namen jinyo.

1 Timotay 3:3

jyasaki, ji macililiman, apiya o nakenakem so icyatatao, ji mangamkam so nizpi.

1 Timotay 6:5

Ta ori o yapwan no kato da mangamaogan so malas a nakenakem a kano marahet a icicirawat da. O nakenakem da nira omraralay ni Ama ta do to am naknakmen da o kapeynizpi da nya.

2 Yowani 1:10

No amyan so tao a omnanao jinyo a katarek no ipangnanao na am ji nyo amya mangay do vahay nyo. Ji nyo nirsirnga.

Ipaziman 2:14

Am yamyan pa so yako oyyan ninyo. Yamyan jinyo so yana nicirara ni Palang a yaomonot do nanao ni Palake. Si Palang am yamanci no Isedi a tao a meyraraten a nikoman so mina pazos da so malas a iraralay da a da kapasagpyan so aktokto da.

Ipaziman 2:20

Am yasa ka vazay pa o yako oyyan ninyo. Inyo rana am nyo to amyapya o malas so ciring a mavakes a meyngaran so Yesipi. Na cirarahen o lamlamsoy ko a mapasagpyan so kataotao da a yakoman so pazos da no yamalas a da iraralay.

Ipaziman 21:8

Am sira rana manyahey a tao a kano ji nganoyong jyaken a tao a kano somagpyan a kano manwakwak a kano mangzakza so icyatatao da kano manlita no oyowyat ni Satan a kano manaralay so malas a iraralay a kano mangalalas a tao am amyan so akmey awa so karakorako a lila no apoy a omapanala sira. Ori rana am ipirwa kawakwak ori.”

Ipaziman 22:15

Am sira rana somagpyan a kano manlita no oyowyat ni Satan a kano mangzakza so icyatatao da kano mangap so tao a kano manaralay so malas a iraralay a kano jyanoyong so ciring a kano iwawalam am mamimin sira mavezed do pantaw no ili.