1 Kedinto 5:1 - Seysyo No Tao

¹ Yamanoyong o kanimakamizing ko so keyyan na jinyo no mapasagpyan so kataotao na. O akman rana sang a vazay am ji da mya no ji manaralay a tao. O nimamizing ko am amyan so tao a mapasagpyan so nakenakem na do kaminan na.

1 Kedinto 5:1 ပူးပေါင်းရင်းမြစ်များ

Nimlivolivon 15:20

Apyapya pa o kapeyteygami ta nira a manci no kaji da nganan so nipazos da. Taosya o kapangzakza da so icyatatao da. Taosya o kakan da so rala no vinyay a kano nivitkeh da vinyay a nimazakat a jya nimvoyog so rala.

Nimlivolivon 15:29

Taosya o kakan nyo so nipazos da. Taosya o kakan nyo so rala no vinyay a kano nivitkeh da vinyay a nimazakat a jya nimvoyog so rala. Taosya o kapangzakza nyo so icyatatao nyo. Si pangozayan nyo ori am ipeypapya nyo ori. Inaoy si apzatan na inyo ni Ama ta do to.”

1 Kedinto 1:11

Ta o kararay na ni Kelay a tao am sya jya nimanayotayo so ciring da jyaken. Maniring sira jyaken am yamyan kono jinyo do dang so nyo ipeykataretarek so nakenakem.

1 Kedinto 5:11

O peypeypangayan no ciring ko am ji macihza do mapasagpyan so nakenakem na, mangamkam, manaralay so malas a iraralay, mangangavain, masakisakin a kano manakaw a ji mamlis so nakenakem a sinjya. So ikanoyong no kaji nyo macihzan jira a ji macihanghang jira.

1 Kedinto 6:13

Amyan so tao a manci no, “O kanen rana am ioran do velek. O cinamaog no velek am kanen.” So ji na alasi nang. Am beken a to meyyonong o yameykadwa ya. O cinamaog ta am beken a pasagpyanen ta o kataotao ta, ta o kararalay ta ni Ama ta do to. So ikanoyong na ni Ama ta do to a mapeyveyveken jyaten.

1 Kedinto 6:18

Am ori o ji nyo pasagpyani so kataotao nyo an. O makakaday a raraten am ji mapeykaraherahet so kataotao. Am o mapasagpyan so kataotao da am peykarehrehten da o kataotao da.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

2 Kedinto 12:21

Ko ihawa o kapacimasesnek ko ninyo do tangain ni Ama ta do to no ipisa mangay ko jinyo. Jyabo kaji ko lavyan a makacita so aro a somagpyan a kano mangzakza no kakwa pa a ji mamlis so nakem a tao a.

2 Kedinto 2:5

No myan so tao a amrahet so aktokto no karwan no tao am beken a yakehen o raheten na so aktokto. Ta mamimin kamo a ko peycirngan sya. Am beken a ipasnesnek ta so nimapeyvazay so akman sang a tao.

2 Kedinto 7:12

O ko nivatvatkan do teygami ori am ko ivavaga do meyraraten a tao a kano ji na panadnada tao. Am o ney makdeng a peypeypangayan na pa no mina teygami ko jinyo am ko patwawen o apya nakenakem nyo jyamen do tangain ni Ama ta do to.

Cyalatay 5:19

Mapengkad o marahet a vazay no tao. Ta to rana tenngi do icicirawat da, akman so macimasesnek a vazay,

Ivoso 5:3

Ji nyo pasngesngena o mangzakza kano pangagoman nyo. Ta o akman rana sang am no peyyanen do onowned ori a kapeynyagamo nya am tey marahet o akman sang. Ta akmey anak na rana inyo ni Ama ta do to. So ikapyapya na no kasaray nyo no sidongan na jinyo ni Ama ta do to.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

1 Tesalonicya 4:7

O na nipamnekan jyaten ni Ama ta do to am beken a mangay ta pasagpyanen o kataotao ta, ta kakzeben na yaten a ji meylimoteng so onowned.

Ipaziman 2:21

Nipanci ko rana jya o kapamlis na am ji na ablisi o kapasagpyan na so kataotao na.

Ipaziman 21:8

Am sira rana manyahey a tao a kano ji nganoyong jyaken a tao a kano somagpyan a kano manwakwak a kano mangzakza so icyatatao da kano manlita no oyowyat ni Satan a kano manaralay so malas a iraralay a kano mangalalas a tao am amyan so akmey awa so karakorako a lila no apoy a omapanala sira. Ori rana am ipirwa kawakwak ori.”