1 Kedinto 4:8 - Seysyo No Tao

⁸ Ala nyo ipanci o kabwata rana no yaji ngyangyan jinyo, a yarana makataptap so teneteneng a kano makakaday a itoro na jinyo ni Ama ta do to a akmey amyan rana do panirsirngen. Inaoy no si manoyong keyyan nyo do peypakarangan nyo a kapacikazway namen jinyo a panirsirngen.

1 Kedinto 4:8 ပူးပေါင်းရင်းမြစ်များ

Matay 5:1

Macita ni Yeso o aro a tao a mangay jya am tomanang do tokon. Amlisna do dang am mangay sira o macinanao jya,

Locya 6:25

“Inyo rana mabsoy sicyakwaya am to kamo makasi no makwa an, ta mangay o kakcin nyo an. “Inyo rana yasomaray sicyakwaya am to kamo makasi no makwa an, ta mangay o kalavi no onowned nyo an.

Nimlivolivon 26:29

Maniring si Pawlo ji Aglipa am, “Tana mahay rana am to ko meynozyan nimo a kano aro a mangamizing a tao do jya a kamimin nyo rana akman jyaken a omanoyong jya. Am ji nyo nginara yaken a da aptengen!”

Loma 12:3

Yaken rana a nipamnekan ni Ama ta do to a lamlamsoy na a nipantan na so aryarilaw na am ko vavagan inyo. Ji nyo pahamaha o kataotao nyo. Ta to nyo palololwa o ahahapan nyo so kataotao nyo do na nitoro jinyo ni Ama ta do to a teneteneng nyo.

1 Kedinto 1:5

Kanyo tey meynakem rana a macikaop ji Yeso Kizisto a tao. Ori o nyo kateteneng a meylimwang no ciriciring na ni Kizisto, do nyo kapakateneng do manoyong a nanao na.

1 Kedinto 4:18

Yamyan so yatatasa ka tao jinyo a yamapahama so nakem a yamanci no kaji ko rana nangayan jinyo do dang.

1 Kedinto 5:6

Taosya o kapakazwazway nyo. Nyo jyatenngi o ciring a manci no, “O likta kosozi no odong am mapeymway na o rako a odong.”

2 Kedinto 11:1

Tana ji ko a teneteneng am amizngen nyo pa yaken an.

2 Kedinto 13:9

Tana da ipanci yamen a abo so oyowyat a omwoya ninyo a kakdeng no nakenakem nyo ji Ama ta do to am isaray namen o akman sang. O namen kakzeben am kapeypahagnat nyo so nakenakem ji Ama ta do to.

Cyalatay 6:3

O mapakateneteneng a tao am akma ney littan o kataotao na.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Veydipi 2:12

Manga kakteh, no kapacikaop ko pa jinyo am masangib kamo a omamizing jyaken. Am ori o ikakdekdeng nyo pa omahap so ciring ko do ikabo ko jinyo do dang an. Makapzat kamo an. Makowyowyat kamo a mahap so vazay na ni Ama ta do to. Ta ori rana am manoyong a vazay no nimamlis so nakenakem a tao.

Ipaziman 3:17

Kamo maniring am, “Ko mabsoy a yabo so yakalakalahen.” Am nyo jyatenngi nyo katey makasi a tao a mavak so velek a nyo kavota a yabo so ayob.

Ipaziman 5:10

Imo yada nipamlis a yada to ngonongonongi do kangay da do tangain na ni Ama ta do to a amraralay nya. So talamozongan da no teyrahem no makwa.”