1 Kedinto 4:6 - Seysyo No Tao

⁶ Manga kakteh, o ko pancyan no aro a vazay namen si Apolo am ipakateneng nyo do kaji nyo mapeycyakabanan so lamlamsoy na ni Ama ta do to akman so domket do Seysyo a ciring.

1 Kedinto 4:6 ပူးပေါင်းရင်းမြစ်များ

Nimlivolivon 18:24

Amyan so asa ka tao do Yotay a meyngaran si Apolo a meyili do Yadisanta nimangay do Ivoso. Iya rana am tey mateneng a mangnanao a mateneng do Seysyo.

Nimlivolivon 19:1

Amyan rana si Apolo do Kedinto am meypangay pa si Pawlo do Ivoso. So nipeyliktaw na do Vodicya. Ori o nipakasazi na dang so amraralay ni Yeso Kizisto a tao.

Loma 12:3

Yaken rana a nipamnekan ni Ama ta do to a lamlamsoy na a nipantan na so aryarilaw na am ko vavagan inyo. Ji nyo pahamaha o kataotao nyo. Ta to nyo palololwa o ahahapan nyo so kataotao nyo do na nitoro jinyo ni Ama ta do to a teneteneng nyo.

1 Kedinto 1:12

O peypeypangayan no ciring ko am yamyan kono jinyo so yamanci no na kapacyanod jyaken. Yamyan kono so yamanci no na kapacyanod ji Apolo. Yamyan so yamanci no na kapacyanod ji Pite. Yamyan so yamanci no na kapacyanod ji Kizisto.

1 Kedinto 1:19

Ta maniring do Seysyo am, “Balinasen ko o teneteneng da no ji raralay nyaken a tao kaji na mangononongan no ahapan da so vazay da.”

1 Kedinto 1:31

Akman so ciring do Seysyo. Maniring am, “O mapazway a tao am apyapya pa si Yeso o azwain na.”

1 Kedinto 13:4

O meyngongyod a mangarilaw so icyatatao na am to nazibwan o oyaoyyan da no kataotao. Kapiya no nakenakem. Ji manginanahet. Ji mapazway. Ji mapakarakarang so nakenakem.

1 Kedinto 3:19

Ta o ipanci no tao do karawan a mateneng am ipanci na ni Ama ta do to a jyateneng a tao. Akman so ciring do Seysyo. Maniring am, “O mateneng a tao am kalittan sira no teneng da kaji na mangononongan no vazay da.”

1 Kedinto 3:21

Am ori o ikabo no tao a mapazway a manci no kownot na do kadwan jyamen. Ta yamen rana a yamangnanao am nitovoy na yamen jinyo ni Ama ta do to a amnanao jinyo.

1 Kedinto 5:2

Ikongo dang o pazwain nyo. Manngwa, ji nyo a ratan so onowned o akman so sang so vazay a tao? Am ori o to nyo na pasyai so akman sang a tao.

1 Kedinto 5:6

Taosya o kapakazwazway nyo. Nyo jyatenngi o ciring a manci no, “O likta kosozi no odong am mapeymway na o rako a odong.”

1 Kedinto 8:1

O nipazos da kanen am tamo mamimin a makateneng do akman sang. O teneteneng rana ya am yapwan no kapazway no tao. Am o pangarilawan am ipeypapya so tao.

1 Kedinto 9:23

Ko akmanan sang so vazay ko am ko ipatak o Mapasaray a Ciriciring na ni Ama ta do to. Ta ori o ipakarara ko so karwan no tao a macizanod a somaray no ciriciring na ni Ama ta do to.

2 Kedinto 10:12

Namen jyadkeci namen kapazanod so kataotao namen do yamapakarakarang so kataotao da. Ta yamanoyong da kakmey ji makownong jya an, a yamapehngay so kataotao da do kadwan jira.

2 Kedinto 10:15

O yanamen jya nimatokod rana a ili am namen jyadkeci a yapazwain a manci no kanimapeyvazay namen sya. Am namen isaray o kapeypahagnat no onowned nyo. Ta ori o karakorako na pa no vazay namen jinyo,

2 Kedinto 10:7

O vazay no tao o macita nyo. Am nyo jyacita o onowned no tao. No si amyan so tao a manci no katalamozong na ni Ama ta do to am manakenakem pa an. Ta beken a iyaha o yamonganay ji Kizisto. Ta namen akman sang a yamonganay ji Kizisto.

2 Kedinto 11:4

Ikeykongo kamo a yato mamyapya no yamacitarek so ipeylimwang a ka nyamen a yaomagaz ji Yeso. Ikeykongo kamo eya a to nganoyong do macitarek so ipeylimwang a Seyzi a kano Mapasaray a Ciriciring.

2 Kedinto 12:19

Ala nyo ipanci yamen a yamangamaog no kataotao namen so ciring. Am to ko na macitangayan jinyo am namen jyakman sang an. Ta o ciriciring ni Kizisto o namen ipanci jinyo do tangain ni Ama ta do to. Manga keypong, o vazay namen am namen kanakenakem so yakasidong jinyo a peypahagnaten so nakenakem ji Ama ta do to.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

2 Kedinto 12:6

Am no si manoyong o kapazway ko so kataotao ko am abo karatan no nang. Ta abo na kalalasan no ciriciring ko. Am ko kaji mapazwayan. Ta ko jyakzan o da kazwazway jyaken no tao, do kabo no teywara nimacita da, nimamizing da a monganay jyaken.

2 Kedinto 4:15

Monganay jinyo o alalaw namen a ipakasidong namen jinyo a peypahagnaten so nakenakem ji Ama ta do to. So na ikanoyong no pangangarilawan na ni Ama ta do to a itoro na do aro a tao. Am ori o ikarwaro rana no tao a zomwazway si Ama ta do to a isaray da.

Kelosi 2:18

Ji nyo ngonoci sira o mapakateneteneng a tao a manci no kapakacita da so mapangyangyalak a vazay a kano tanwasiwasi a amraralay no tinsi. Ta mapehes jinyo o akma ney nakem jinyo ni Ama ta do to. Ta o akman rana sang a tao am to da mangozangozai o nakem da a tanteneteneng.

1 Tesalonicya 1:5

Ta o namen nipeylimwang a Mapasaray a Ciriciring na ni Ama ta do to jinyo am beken a ciriciring namen ori. Ta namen ipeyhanhan o oyowyat no Seyzi a kano yameysominogat a onowned namen so ciriciring na ni Ama ta do to. Ta nyo mamimin a katenngan o onowned namen no kapacikaop namen pa jinyo do dang.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.