1 Kedinto 4:5 - Seysyo No Tao

⁵ Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

1 Kedinto 4:5 ပူးပေါင်းရင်းမြစ်များ

Matay 10:26

“Am ori o ji nyo anyahei no tao an, ta mamimin o matayo a vazay a mababa. So icyakman na sang no ji meycicicyan a vazay a meytotwaw.

Matay 24:30

No si marateng ori am meytotwaw rana o tovil no Nipamnekan na ni Ama ta do to a tao a meygegcin do karawan. Amzikzik rana sira manyahey o aro a tao do karawan. Ta macita da rana yaken a Nipamnekan na ni Ama ta do to a tao a meygegcin do cinalab no rako a oyowyat ko a kano azwazway ko.

Matay 24:46

No mai o lawpan a kapakacita na so lamlamsoy na a makapeyvazay so vazay na am manoyong ori o ipanlanlag na.

Matay 25:21

Maniring o lawpan am, ‘Imo rana am ka tey yapya ipeyhanhan a lamlamsoy. Tana yapereh o yako nitoro jimo am yamo ji ngolala. So to ko rana mapahanhani jimo a tomalamozong no arwaro pa kano nang. So ipacizanod mo jyaken a somaray.’

Matay 25:23

Maniring o lawpan am, ‘Ka tey yapya ipeyhanhan a lamlamsoy. Tana yapereh o yako nitoro jimo am mo ji ngolala. So to ko na meyhanhani nimo a tomalamozong no arwaro paha kano nang. So ipacizanod mo jyaken a somaray.’

Locya 6:37

“Ji kamo manraherahet so icyatatao nyo an. No si manraherahet kamo so icyatatao nyo am akman kamo sang a raheraheten da. Ji nyo mancyan o karatan no tao, ta ori o icyakman nyo sang a ji da raheraheta no tao. Peykabobwen nyo o raraten da jinyo an. So icyakman nyo so sang a peykabobwen da so raraten no tao an.

Yowani 21:22

Maniring si Yeso jya am, “No si ipanci ko kato na avyayan a mangay no yai ko na am ikongo mo kazyakan nya. To ka macilolo jyaken am.”

Yowani 21:23

Karahan am o akman sang a ciring am todavangovangon. Ori malavat da no macinanao ji Yeso o kaji na wakwakan no asa ka macinanao ji Yeso. Am ji na nipanci ni Yeso o kaji na wakwakan no nang. Ta kapanci na no, “No si ipanci ko kato na avyayan a mangay no yai ko na am ikongo mo kazyakan nya.”

Yowani 5:44

Nyo ikeykakza pa o da kazwazway jinyo no kadwan jinyo. Nyo jyakzan o azwazway a yapo ji Ama ta do to. Ori o yanyo ji nganoyngi jyaken.

Loma 14:4

Sino ka a yamazyak no lamlamsoy no karwan no tao. Manngwa, ji na zyakan no katenngan a tao o karatan no lamlamsoy na? No si Yeso o Panirsirngen na kasidong na sya am jyabo karahet na.

Loma 2:1

Yata katenngan o kanoyong na no oyaoyyan na ni Ama ta do to no akman so sang a tao. Am no si manamwad ka so tao am raraten mo ori. Ta o peyraratenan mo so sang am mo ipanci o kataotao mo a abo so karatan.

Loma 2:16

O yako ipeylimwang a Mapasaray a Ciriciring na ni Ama ta do to am no si marateng rana o yai ni Yeso Kizisto a mapeykapyapinpinan so tao am patwawen na rana o makakaday a taywen no tao do onowned da.

Loma 2:29

O manoyong a tao do Yotay am mamlis so onowned a omanoyong ji Ama ta do to. Ta ori rana am vazay na ori no Seyzi na ni Ama ta do to. So ikabeken a kahap so iwawalam na ni Ama ta do to a nitaid na ji Moyse. O mahap na azwazway no nimamlis so onowned a tao am beken a apo do tao, ta apo ji Ama ta do to.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

1 Kedinto 1:7

So yana ikabo no yana jya nitoro jinyo no Seyzi a oyowyat a kano teneteneng nyo, do nyo kapanala si Yeso Kizisto a Panirsirngen ta a mai.

1 Kedinto 11:16

No si myan pa so jyalpid a tao am naknakmen na o kabo no meytarek a iwawalam ta. So da ikamimin no peycyakyokyokayan na yanan no yakman sang a iwawalam.

1 Kedinto 11:26

Mangday no kakan nyo so pang a omyop so potaw cyo eya o kapeylimwang nyo ni Yeso Kizisto a nimawakwak no raraten nyo, mangay do ikeypirwa na mai.

1 Kedinto 15:23

Am matwatonton o tao a mirwa a mavyay. Ney manma am si Kizisto. O tomonton am amraralay nya tao, no si marateng o araraw no yai na ni Kizisto,

1 Kedinto 3:13

Am o mina vazay ta am macita ta rana no makwa o kehni na a kaji nehniyan. Ta no marateng rana o araraw na no yai ni Yeso am patwawen na rana. Ori o ipakateneng rana jya. Ta no makwa am askadan na rana ni Yeso o mina vazay ta.

1 Kedinto 3:14

O mehni so niparing a tao am ori o mavezed. O akman rana sang a tao am ori azawen na.

1 Kedinto 3:8

O mapamowa sya kano tomaktak jya am meyyangay a lamlamsoy na ni Ama ta do to. So to na palololoi sya ni Ama ta do to do lamlamsoy na so itoro na jira.

2 Kedinto 10:18

Ta o ipanci na ni Ama ta do to apya so vazay am ori o manoyong a azwazwain. Ta o mapazway so kataotao na am ji na narayan ni Ama ta do to o akman sang.

2 Kedinto 10:9

Ji nyo mancyan o kangangamo ko jinyo no ciring ko do teygami an.

2 Kedinto 4:2

Namen ji ngapa o macimanig a vazay. Namen ji mangalalas. Namen ji palasa o ciriciring na ni Ama ta do to, ji powziba o nanao ni Ama ta do to. Ta ipacita namen do tao o icicirawat namen, do kanoyong namen a lamlamsoy na ni Ama ta do to.

2 Kedinto 5:10

Ta mamimin tamo eya a mangay do tangain ni Yeso Kizisto a pacicin na. To na palololwa do mina vazay ta do karawan o itoro na jyaten.

1 Tesalonicya 5:2

ta to nyo na tenngi. O araraw no ipeygegcin na ni Yeso am abwata o tao a makaziman sya, akman so tao a ji makaziman so manakaw do vahay da.

Sipolay 4:13

Abo o makatayo do tangain ni Ama ta do to. O yamakakaday do karawan a nyamaog na am yabo na jyacita so vazay. So ikamimin ta katenngan na so onowned do tangain ni Ama ta do to.

Yake 4:11

Ji kamo maciraherahet, manga kakteh an. No amyan so tao a amraherahet so kakteh na do cinai am akma ney to rehrehta o Ciriciring na ni Ama ta do to. No rehrehten nyo o Ciriciring na ni Ama ta do to am manoyong o kapasobna nyo ji Ama ta do to.

Yake 5:7

Am ori manga kakteh an, ji nyo macimangsahi a omapananala si Yeso Kizisto a Panirsirngen ta mai. To nyo nita o omhakakaw a tao a ji macimangseh a mapanala so cimoy a mapasaod so nihakawan na.

Yake 5:9

Ji nyo oyyan o kadwan jinyo, manga kakteh an, ta ioya na inyo ni Ama ta do to. So na rana ikakeykai a mai no yamapeykapyapinpin jyaten a Panirsirngen ta.

1 Pite 1:7

O peypeypangayan no alalaw nyo am ipakateneng jinyo a manoyong so nakem ji Ama ta do to. Mapaonag no apoy o ovay. Am o nakenakem nyo ji Ama ta do to am jyabo kaji nakdekdengan pa kano ovay a jyagonay a. So ji na alasi no keyleylamdam na so onowned nyo ni Ama ta do to. No si ji kamo a hayo am mahap nyo rana o kazwayan nyo no marateng rana o araraw no yai na ni Yeso Kizisto.

1 Pite 5:4

Ta no si makaranes rana o araraw ni Yeso Kizisto a yaomaponged ninyo am manoyong o kapakahap nyo rana so yazaw na jinyo a to meyyonong a azwazway nyo do teyngato.

2 Pite 3:12

a omapananala so araraw ni Ama ta do to a ji meyyahahay a makaranes. No si marateng o araraw ori am matemtem o masaod no hanit. So ikabo na rana no masaod no hanit a omonag no lila no apoy.

2 Pite 3:4

No maniring sira am, “Wanjin na kai ni Kizisto a manci no kai na asyo. Sira rana nimeykawakwakwak a ineynapo ta am wanjin o na kablis no nyamaog na karawan.”

Yota 1:14

Amyan rana so ciring na a pagazen na jira do ikapito da tapilan no sivosivovoong na ni Adam a meyngaran so Inok. Maniring am, “Cita kamo o Panirsirngen ta a yamapalolo so yameykalaklaksa a tinsi a yamai do karawan,

Ipaziman 1:7

Citahen nyo an, si Yeso Kizisto a maciralay do cinalab a mai an. Mamimin o tao a makacita sya, mangay do nimapadket sya do jyojika tao o makacita sya. So ikamimin no tao do karawan a malaw nya so onowned a makaranes do karawan. So ikanoyong no akman so sang.

Ipaziman 20:12

Makacita ko pa so nimawakwak a tao. Tana meynakem a tana jyeynakem am abo ji nanek do tangain na. So nikawasak na rana no vakong. O asa ka vakong a adketan no ngarangaran no yanan na rana no to meyyonong a inawan da am akman sang a mawasak. O nimawakwak rana tao am to macilocilolo do mina iwawalam da no keyyan da pa do karawan o domket do aro a vakong ang a ipacici na sira.