1 Kedinto 4:12 - Seysyo No Tao

¹² a yamowyat a yameyvazay a yamyaw no velek namen. So yanamen ikasangib a yada avain. Am namen ipeynozi sira. No yada peymetdehan yamen am namen to nazibwan.

1 Kedinto 4:12 ပူးပေါင်းရင်းမြစ်များ

Matay 5:11

“No monganay jyaken o ji da ninigan ninyo no tao a pakakasin a tamwaden no marahet a ciring am manoyong katey yapya nyo.

Matay 5:44

Am ko pa ipanci jinyo am ikarilaw nyo sira o macioya jinyo a tao a kapeynozi nyo no mapakakasi jinyo a tao.

Locya 23:34

Maniring si Yeso am, “Mo Ama, vonasen mo o raraten da no yamapadket jyaken a tao an. Ta da jyatenngi o vazay da jyaken.” Meyratateng am masipangoyongoyot sira o itaysang no Loma amvonong so mina ayob na ni Yeso.

Locya 6:28

Ipeynozi nyo o maniriciring jinyo a tao an. So peynozyan nyo no tomamwad jinyo a tao an.

Yowani 15:20

Peyyanen nyo do onowned nyo o yako nipanci jinyo. Ji na meyhavasi no lamlamsoy o mapavahay sya tao. No si peyrarehten da yaken am akman kamo sang a peyrarehten da. No si onotan da o ciring ko am onotan da o ipangnanao nyo a ciring.

Nimlivolivon 18:3

So nipacivahay na jira macipeyvazay jira, ta meyyangay o vazay da mapakapkapya so vilad a vahay.

Nimlivolivon 20:34

Ta nyo katenngan yaken a yamowyat a meyvazay a omyaw no velek ko a yaomlam so kararay ko.

Nimlivolivon 7:60

a kapeylilitod na amlolos. Maniring am, “Mo Panirsirngen, ji mo naknakma o raraten da jyaken an.” Teyka na ipanci am mawakwak rana.

Loma 12:14

Ipeynozi nyo sira o mapakakasi jinyo a tao. Ji nyo manircirngi sira o macioya jinyo a tao.

Loma 12:20

Maniring pa do Seysyo am, “No makcin o kavosoyan nyo am pakanen nyo sira. No mawaw sira am peyyopen nyo sira. Si akman kamo sang am to sira nasnek a manig ninyo.”

Loma 8:35

Ikongo o makapasyay jyaten do pangangarilawan ni Yeso Kizisto. Manngwa, alalaw ta? Manngwa, peyrarehtan da jyaten? Manngwa, kakcinan ta? Manngwa, kabo no peymeymasaodan ta? Manngwa, kangineynanawan ta? Manngwa, wakwakan da jyaten? Jyabo a. Ta yabo o makapasyay jyaten do pangangarilawan ni Ama ta do to.

1 Kedinto 9:6

Manngwa, abo nakenakem nyo jyamen si Parnapo a yamnanao jinyo no ciriciring na ni Ama ta do to a kato namen ngonongonongan do kahakakaw namen a amyaw so velek namen?

2 Kedinto 11:8

No kapeyvazay ko pa jinyo do dang am patodahan da yaken no tatasa ka kyokay. So yako icyakmey jyaninig no kyokay ori a yako peylamsoin a yasomidong jinyo.

Ivoso 4:28

O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.

1 Tesalonicya 2:9

Manga kakteh, naknakmen nyo o zikna namen do maraw a kano mahep an, do namen kalan so isovo namen a kanen. Ta namen ji myapya inyo a mazikna nyamen no isovo namen a kanen no kapeylimwang namen nya jinyo so Mapasaray a Ciriciring na ni Ama ta do to.

2 Tesalonicya 3:8

Ji namen nimacyakakan do karwan no tao. Tana maraw a tana mahep am mangday kapeyvazay namen a omyaw no velek namen do kaji namen mamyapyan ninyo a masanga nyamen.

1 Timotay 4:10

O yata ikowyat a yamahap so vazay na ni Ama ta do to am ta ipeyhanhan si Ama ta do to a mapatazadang jyaten. Ta iya rana am to meyyonong a mavyay a Tao do to. Am o meyhanhan nya o avyain na.

1 Pite 2:23

No kavay da sya am abo o asa ka ciring na nipasapan na jira. No kapeyyalilima da jya am abo o asa ka ciring na yalalaw na sira. Ta kapasyasi na ji Ama ta do to a yamapeyyangangay so tao.

1 Pite 3:14

Tana meyrarahet kamo do kanoyngan nyo am somaray kamo. Ji nyo anyaheyan o tatasa ka tao a omalalaw jinyo. Ji kamo a rahet so onowned.

1 Pite 3:9

Ji nyo patonggali o karatan no kadwan jinyo. Ji kamo masyavavay. Ta kaovayovay nyo so kadwan jinyo. Ta no kapanop na jinyo ni Ama ta do to am akman so sang o nakenakem na jinyo.

1 Pite 4:19

Am ori an, no si nakem na ni Ama ta do to o kapakasazi da no tao so alalaw am ji da macimazai o kapanidong da so tao. Ta ipeyhanhan da si Ama ta do to a nimangamaog so tao do karawan a makasidong sira.

Yota 1:9

Kakwakwan no panirsirngen no tinsi a meyngaran so Micyale a ji makadket ji Satan a avain, no kapeysolib da do kataotao ni Moyse no kawakwak na. O kanimanci na nya ji Satan so, “Ioya na imo ni Ama ta do to.”