1 Kedinto 4:11 - Seysyo No Tao

¹¹ Yato ngai sicyaikwaya o yanamen ipacikekcin a yamawaw a yamamez a abo so ayob a yamasangib a yada bakbakan a yabo so vahay,

1 Kedinto 4:11 ပူးပေါင်းရင်းမြစ်များ

Matay 8:20

Maniring si Yeso jya am, “Amyan so vahay no votdak, amyan so vahay no lapik. Am yaken a Nipamnekan na ni Ama ta do to a tao am abwata o ko tangnan so oo ko an.”

Nimlivolivon 14:19

Am o tao do Yotay a nimapo do Ikenyan a kado Antia a macinapnap do Pisitiya am paksozen da o aro a tao a kagsegseh da ji Pawlo. Ipanci da nimazakat rana. Am ori o nilolwan da sya yangay do siri no ili da.

Nimlivolivon 16:23

Mateyka da sira sipsipzotan am pasdepen da sira do pamemtengan a kapanci da no mamzamzat a ominlid so ivaod na sira.

Nimlivolivon 23:2

Mamizing na no panirsirngen da no mapatanatanang so nakem da si Ama ta do to a meyngaran so Ananiya am manara so tao a somiplang so ngoso ni Pawlo.

Loma 8:35

Ikongo o makapasyay jyaten do pangangarilawan ni Yeso Kizisto. Manngwa, alalaw ta? Manngwa, peyrarehtan da jyaten? Manngwa, kakcinan ta? Manngwa, kabo no peymeymasaodan ta? Manngwa, kangineynanawan ta? Manngwa, wakwakan da jyaten? Jyabo a. Ta yabo o makapasyay jyaten do pangangarilawan ni Ama ta do to.

1 Kedinto 9:4

Jyabo kanig ko a patodahan da no sinjya so kanen ko do kapeylimwang ko no Mapasaray a Ciriciring na ni Ama ta do to a.

2 Kedinto 11:20

Ta no peylamsoin da inyo am littan da inyo am soziban da inyo am ji da ninigan inyo am somiplang so posngi nyo am nyo to macyozai sira.

2 Kedinto 4:8

Namen masangib a makasazi so alalaw am namen ji pehmai. Tomakatakaw am namen kaji makatenngan do namen ahahapan sya am ji namen a mahayo.

Veydipi 4:12

Nimasapa ko rana o kakcinan ko, kabsoyan ko. Tana mabsoy ko a tana makcin ko a tana abo o kalahen ko am amyan rana so ko peyneynaran sya.

2 Timotay 3:11

Mo katenngan o ko kato nazibwan no aro a alalaw ko do Antia kado Ikenyan a kado Disetela. Am kanisomidong na jyaken ni Yeso a komaro do akman sang a nipeyrarehtan da jyaken no tao.