1 Kedinto 4:10 - Seysyo No Tao

¹⁰ Da ipanci yamen no tao do karawan a abo so kapsepsekan, do namen kapangnanao no ciriciring na ni Kizisto. Am inyo am nyo ipanci o kataotao nyo a mateneng a meyhanhan ni Kizisto. So nyo ikowyowyat pa ka nyamen. So da kolalahan jyamen a da kanig ninyo.

1 Kedinto 4:10 ပူးပေါင်းရင်းမြစ်များ

Matay 24:9

“No marateng ori am rakpen da inyo a pakakasin a kawakwak da jinyo. So pacioyyan da jinyo a mahap so vazay ko.

Matay 5:11

“No monganay jyaken o ji da ninigan ninyo no tao a pakakasin a tamwaden no marahet a ciring am manoyong katey yapya nyo.

Locya 10:16

Maniring si Yeso do macinanao jya am, “O omamizing jinyo am omamizing jyaken. O mapasobna jinyo am mapasobna jyaken. O mapasobna jyaken am pasobnan da o nitomovoy jyaken an.”

Locya 18:9

Ipangamaog na sira o mapakazwazway a ji mapanadnad a tao so payyaingen na sya ni Yeso.

Locya 6:22

“No ikaoya da inyo a ji da raralayan a kapanyanig da jinyo do kararalay nyo nyaken a Nipamnekan na ni Ama ta do to a tao am manoyong o kasaray nyo an.

Nimlivolivon 17:18

Amyan dang so mangnanao no nanao ni Ipikolo a kani Sitoke. Sira rana am nimai sira macinekanekad ji Pawlo. Maniring o kadwan jira am, “Ikongo na ipanci no nya a yajyapsepsek ang.” Amyan so manci no, “Yana ipanci o da iraralay no tarek a pongso.” Ta o ipeylimwang na ni Pawlo am si Yeso a kano keypirwa na nimavyay.

Nimlivolivon 17:32

Mamizing da si Pawlo a manci no keyyan no nimawakwak a tao a nimirwa mavyay am ipeykeykaming da. Maniring o tatasa jira am, “Namen tey kakza pa yamizngen o mo ipangnanao.”

Nimlivolivon 26:24

Ji na pa teyka ni Pawlo o ciring na am to na amizing si Veyseto a amlololos. Maniring am, “Ka zomyak eya an? Ta yateywara rana o mo naknakmen a vazay.”

Nimlivolivon 9:16

Ta pazimanen ko jya o karo no alalaw na do ipeyvazay na jyaken.”

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

1 Kedinto 1:23

Am yanamen ipeylimwang si Kizisto a nipadket da do jyojika. O akman rana sang do tao do Yotay am ipacimanig da. Am no citahen da o akman sang no beken a tao do Yotay am abwata o ayyaingan na.

1 Kedinto 1:25

Ta o todalapit a teneng ni Ama ta do to am maharahara pa kano teneteneng no tao. O alikey a oyowyat ni Ama ta do to am rakorako pa kano rako a oyowyat no tao.

1 Kedinto 10:12

Am ori an, no myan so makeylamdam so nakenakem na ji Ama ta do to a makdeng rana am meytataziman ori an. Ta kalittan an.

1 Kedinto 2:14

O kabwan no Seyzi na ni Ama ta do to am ji na hap o itoro no Seyzi na ni Ama ta do to. Ta o akman rana sang a tao am ji da tenngi o akman sang a vazay. Ta ipanci da abo so angangayan. Ta o yanan no Seyzi na ni Ama ta do to o makateneng jya.

1 Kedinto 2:3

Am ori an, makaranes ko jinyo do dang am malma ko so kataotao amzikzik do kanyahey ko. Ta ihawa ko kaji ko makatenngan do vazay na ni Ama ta do to.

1 Kedinto 3:18

Ji nyo ngalalasa o aktokto no kataotao nyo an. No amyan jinyo so ominara so icicirawat no tao do karawan a mapazway so teneng na am iptad na rana o kapakateneteneng na. Ta ori o ikanoyong na mateneng a tao.

1 Kedinto 3:2

Ori o ko peyyopan pa jinyo no meyzoko, ta marahet pa o kapakan ko jinyo no cinvevekeh. Ta ji nyo anget. So nyo ikakman sang sicyaikwaya a yaji ngahap so yamakdeng a yako inanao jinyo.

1 Kedinto 4:8

Ala nyo ipanci o kabwata rana no yaji ngyangyan jinyo, a yarana makataptap so teneteneng a kano makakaday a itoro na jinyo ni Ama ta do to a akmey amyan rana do panirsirngen. Inaoy no si manoyong keyyan nyo do peypakarangan nyo a kapacikazway namen jinyo a panirsirngen.

2 Kedinto 10:10

Yamyan so tao a yamapeyciring so, “No yameyvatvatek si Pawlo am tana yamangdet pa, yajyowyat am. Am no yana to macimata eya am malma, yabo so oyowyat a yamarahet so ipanirisiring.”

2 Kedinto 11:19

Inyo rana am kamo todamimin a yamateteneng a tao. Am ikeykongo kamo eya to mamyapya no jyapsepsek so onowned a tao!

2 Kedinto 11:29

Ta sino ji ko ingenen no onowned a malma so onowned. Sino ji ko a zababan so onowned a meyraraten a tao.

2 Kedinto 13:9

Tana da ipanci yamen a abo so oyowyat a omwoya ninyo a kakdeng no nakenakem nyo ji Ama ta do to am isaray namen o akman sang. O namen kakzeben am kapeypahagnat nyo so nakenakem ji Ama ta do to.

2 Kedinto 4:12

Tana masangib namen a toda jyangangay so inawan am cyaha, ta ipakasidong namen jinyo a makahap so to meyyonong a ikavyay no pahad nyo.

2 Kedinto 6:8

Amyan so zomwazway jyamen am amyan so mapeyleylak jyamen. So ikanoyong namen a ipanci da no tao a mapeycyakawad so tao. Am abo akman sang a nakenakem namen.

1 Tesalonicya 4:8

O ji ngahap so akman sang a nanao am beken a tao o na pasobnan, ta o Seyzi a nitoro na jyaten ni Ama ta do to am ori o pasobnan na.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.