1 Kedinto 4:1 - Seysyo No Tao

¹ Inyo rana am panadnaden nyo yamen a lamlamsoy na ni Kizisto a nipamnekan na ni Ama ta do to a meylimwang no ciriciring na an. Ori rana am ji da tenngi no tao no kakwa.

1 Kedinto 4:1 ပူးပေါင်းရင်းမြစ်များ

Matay 13:11

Tovisan ni Yeso am, “O ji na nipatwaw pa a peypeypangayan na do talamozongan na ninyo ni Ama ta do to o nipanci ko jinyo. Am o karwan no tao am da pa jyatenngi ori.

Matay 24:45

“Sino ipeyhanhan a tey mapatak a lamlamsoy. Iya rana am ipeyhanhan no lawpan a omaponged no vahay na do kapeyyangangay na so isovo da kanen no karwan no lamlamsoy na.

Make 4:11

Maniring si Yeso am, “O ji na nipatwaw pa peypeypangayan na no katalamozong na ninyo ni Ama ta do to am ipanci ko jinyo an. O karwan da no tao am nanawen ko sira no pehngehngayan ko so ciring ko.

Locya 1:2

O nivatvatkan da am nipayapo da do nimacita da vazay ni Yeso a kano nimamizing da ciriciring da no nimeylimwang nya.

Locya 12:42

Maniring si Yeso am, “Sino o ipeyhanhan a tey mapatak a lamlamsoy. Iya rana am ipeyhanhan no lawpan a omaponged no vahay na do kapeyyangangay na so isovo da kanen no karwan no lamlamsoy na.

Locya 8:10

Maniring jira am, “O ji na nipatwaw pa peypeypangayan na no katalamozong na ninyo ni Ama ta do to o ipanci ko jinyo an. Am o karwan da no tao am nanawen ko sira no payyaingan ko sya ciring. Ta tana citacitahen da am akma dey jyacita. Tana amyamizngen da am ji da tenngi.

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

1 Kedinto 2:7

O yako ipeylimwang eya am ji da pa nipatwaw no tao no kakwa a teneteneng na ni Ama ta do to. Ta no kaji na pa mamaogan no karawan am amyan rana ori a nakenakem na ni Ama ta do to do kapacikaop ta jya no makwa.

1 Kedinto 3:5

Ikongo angangayan ni Apolo a ka nyaken. Yamen rana am na kapeylamlamsoy jyamen ni Ama ta do to a yamapalolo jinyo a yaomanoyong ji Yeso Kizisto. Ta namen to mangozai o nitoro na ni Ama ta do to a vazay.

1 Kedinto 4:13

No yada yamen pasnesneken am namen tovisan sira no apya a ciriciring. Na kai sicyaikwaya no yada pancyan nyamen a akmey ibeybek no karawan, abo so angangayan a tao.

1 Kedinto 4:2

O kakzeben no lawpan do lamlamsoy na am manoyong so onowned.

2 Kedinto 11:23

No si lamlamsoy na sira ni Kizisto am ji ko pazway a ciring ko am jyabo kaji ko a haraharan pa ka nira. Ta yarakorako o zikzikna ko so vazay na ni Ama ta do to. Yako ipiro a da aptengen, yada bakbakan, kaji ko angayan no inawan.

2 Kedinto 12:6

Am no si manoyong o kapazway ko so kataotao ko am abo karatan no nang. Ta abo na kalalasan no ciriciring ko. Am ko kaji mapazwayan. Ta ko jyakzan o da kazwazway jyaken no tao, do kabo no teywara nimacita da, nimamizing da a monganay jyaken.

2 Kedinto 4:5

Beken a kataotao namen o namen ipeylimwang, ta namen ipeylimwang si Yeso Kizisto a manoyong a Panirsirngen ta. O namen sidongan jinyo am lamlamsoy na yamen ni Yeso Kizisto.

2 Kedinto 6:4

Yamen rana do yamakakaday a vazay am yanamen akmey tongbowa o yameykamadadayan a alalaw, do namen kanoyong a lamlamsoy ni Ama ta do to.

Ivoso 1:9

So ta rana ipakateneng ji Kizisto akma ney kahanhanan a mapakavos so ji nitomwaw pa vazay na no kakwa.

Ivoso 6:19

Ipeynozi nyo yaken an, katoro na nya jyaken ni Ama ta do to so ciriciring na ipangnanao ko. Ta ori o ji ko a mamai no ji da pa nipatwaw no kakwa a Mapasaray a Ciriciring na ni Ama ta do to a ipeylimwang ko.

Kelosi 2:2

O ko ikakman sang am ko kakzeben o kasaray nyo so onowned a masicyakarilaw. So ikapinpin na no nang a ko tey kakza inyo a manoyong rana makateneng do nanao ni Ama ta do to a omagaz ji Kizisto.

Kelosi 4:3

Ipeynozi nyo yamen a kapeypalanginan na nyamen ni Ama ta do to a mangay meylimwang no ciriciring na. So ikanoyong na rana meylimwang no ji da pa nipatwaw no kakwa a nanao ni Kizisto. O yada aptengan jyaken sicyaikwaya am ko nyahap o vazay na ni Ama ta do to.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Timotay 3:6

O tomalamozong no kyokay am taosya o kapahanhan so vayo pa omanoyong ji Yeso an. Ta ala mapakarakarang sira so nakenakem akman si Satan a nikaoya na ni Ama ta do to, do kapakakarakarang na so nakenakem.

1 Timotay 3:9

Ney yapya na am ji meylimoteng o onowned da omanoyong do nanao ni Yeso Kizisto.

Tito 1:7

Ta o manoyong a yamahap so vazay na ni Ama ta do to a yatomalamozong no kyokay am abo o karatan na. Ta iya rana am ji mapahama so nakem. Jyaoyaoyahen. Ji mapeyvazay so keyyop so saki. Ji mamakbak so tao. Ji mangamkam so nizpi no icyatatao na.

1 Pite 4:10

To ta mangozai o teneteneng a nitoro na jyaten ni Ama ta do to a somidong so tao.