1 Kedinto 3:9 - Seysyo No Tao

⁹ Yamen rana am namen macipeyvazay ji Ama ta do to. Inyo rana am kanyo akmey nihakawan na ni Ama ta do to a namen pirwahen pa. So nyo icyakmey vahay a na patneken ni Ama ta do to.

1 Kedinto 3:9 ပူးပေါင်းရင်းမြစ်များ

Matay 15:13

Maniring si Yeso am, “O ji na nipamowa ni Ama ta do to a mowamowa am miminen ori a botboten.

Matay 16:18

To ko na macitangayan jimo am imo rana am si Pite ka. So icyakma moy lalitan a patnekan ko so kyokay. So ji na rana makagogaji nya ni Satan. Ta akman rana sang am jyagogad no oyowyat ni Satan.

Matay 9:37

Am maniring do macinanao jya am, “Aro tao a makza no Mapasaray a Ciriciring. Akman so nihakawan a mazako rana. Aro o langin am apeleh o tao a manlangi.

Make 16:20

kangay da rana no nimacinanao ji Yeso a meylimwang no Mapasaray a Ciriciring na ni Ama ta do to do peycyeylilyan na. So ikanoyong ni Yeso a macikaop jira a manta nira so oyowyat da a mapeyvazay so mapeyzokab a vazay. Ori rana am yongkad no kanoyong no Mapasaray a Ciriciring na ni Ama ta do to a ipeylimwang da.]

Nimlivolivon 4:11

O ciring do Seysyo no kakwa a omagaz ji Yeso am, ‘O Vato a niwalit da no mapatnek so vahay am meyvoga am ney makdeng na aslet no ai no vahay.’

1 Kedinto 3:16

Manngwa, nyo jyatenngi o na kapacilovot jinyo ni Ama ta do to? Manngwa, nyo jyatenngi na keyyan jinyo no Seyzi?

1 Kedinto 3:6

Ko nimowa a na kataktak jya ni Apolo. O amzowazovo sya am si Ama ta do to.

1 Kedinto 6:19

Nyo jyatenngi o na keyyan jinyo no Seyzi na ni Ama ta do to a nitoro na jinyo? So ikabeken a inyo no kataotao nyo.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

2 Kedinto 6:16

Ji nyo peyzavoza o raralayan nyo ni Ama ta do to a kano malas a iraralay da no tao. Ta yaten o na yanan no to meyyonong a Tao do to. Akman so ipanci na do Seysyo. Ta maniring am, “Macikaop ko do omanoyong jyaken a tao a keyyan ko do onowned da. So abnekan da jyaken a Tao do to da. So ikanoyong da italamozong ko a tao.

Ivoso 2:10

Si Ama ta do to o yata nikablis no onowned a yarana macikaop ji Yeso Kizisto. So na ikapya rana no vazay ta a mangonong do na peypalanginan nyaten ni Ama ta do to.

Kelosi 2:7

Payamoten nyo o nanao na ni Yeso Kizisto do onowned nyo a kapeypahagnat nyo na so nakenakem jya. So sarayan nyo nya ji Ama ta do to.

1 Timotay 3:15

Am no si kahahay ko am cyaha, ta to ko na mancyan jinyo do teygami ko o iwawalam ta. Ta yaten rana amraralay ni Ama ta do to am akma tey asa ka vahay rana, do yana katketken jyaten ni Ama ta do to no ciriciring na no to meyyonong a mavyay a Tao do to.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

1 Pite 2:5

Inyo rana a tao a na yanan no to meyyonong a ikavyay no pahad nyo am itoro nyo o kataotao nyo ji Ama ta do to. So icyakma nyoy vato a ipatnek na so panaralayan. So nyo icyakmey mapatanatanang so nakem ji Ama ta do to. Am o patanangen nyo am sarasaray nyo. So sarayan na nya jinyo ni Ama ta do to so akman sang a nakem nyo sya, ta kamo na macikaop ji Yeso Kizisto a na rana yanan no Seyzi.

3 Yowani 1:8

Ori o sidongan ta sira a yamraralay ni Ama ta do to. Ta ori o icyakma tey macivazay jira meylimwang no nanao ni Ama ta do to.