1 Kedinto 3:23 - Seysyo No Tao

²³ Am naknakmen nyo an, ta inyo am na italamozong ni Kizisto an. Si Kizisto am amizngen na si Ama ta do to.

1 Kedinto 3:23 ပူးပေါင်းရင်းမြစ်များ

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Yowani 17:18

Ko tovoin sira a meylimwang nimo do karawan, akman jyaken a yamo nitovoy do karawan.

Yowani 17:21

Ko ipeynozi sira kakma dey yasaha, mo Ama. Inaoy si macikaop sira jyaten, akman jimo a ka nyaken a yakmey yasaha. Inaoy si akmey yasa sira. So ikanoyong da no tao do karawan a makateneng do kanitomovoy mo jyaken do teyrahem.

Loma 14:8

Ta si Yeso a Panirsirngen ta am yapwan no inawan ta. Am ori o ika si Yeso na no pasarain ta. Tana do ika mavyay ta pa, tana do ikawakwak ta na am ji ta hamangi o ka si Yeso no tomalamozong nyaten.

1 Kedinto 11:3

Am inaoy si katenngan nyo si Yeso Kizisto a tomalamozong ninyo a mahakay. O mahakay rana am ipeymatmatngeh da o mavakes da. Si Yeso Kizisto am onotan na si Ama ta do to.

1 Kedinto 15:23

Am matwatonton o tao a mirwa a mavyay. Ney manma am si Kizisto. O tomonton am amraralay nya tao, no si marateng o araraw no yai na ni Kizisto,

1 Kedinto 15:28

Am no si marateng rana o araraw no ikakata na ni Kizisto am miminen na o karawan a italamozong. Am ji na meysopoi o oyowyat na ni Ama ta do to. So ikanoyong na rana mazway a meymatmatngeh no karawan ni Ama ta do to.

1 Kedinto 7:22

Ta o lamlamsoy da tao a omanoyong ji Yeso am to naliway rana sira do tangain na ni Ama ta do to. Akman so sang sira o to naliway a tao a omanoyong ji Yeso, ta lamlamsoy na sira ni Yeso Kizisto.

1 Kedinto 8:6

yaten rana a yamraralay ni Ama ta do to am yasa si Ama ta do to a na yapwan no meycyamadadayan. So yana ikanoyong a tomalamozong nyaten. Akman sang, ta abo ikararwa na ni Yeso Kizisto a Panirsirngen ta a nimangamamaog so meycyamadadayan a yana yapwan no ikavyay no pahad ta.

2 Kedinto 10:7

O vazay no tao o macita nyo. Am nyo jyacita o onowned no tao. No si amyan so tao a manci no katalamozong na ni Ama ta do to am manakenakem pa an. Ta beken a iyaha o yamonganay ji Kizisto. Ta namen akman sang a yamonganay ji Kizisto.

Cyalatay 3:29

No kamo macilovot ji Kizisto am manoyong kamo na a macikownongan ji Apolahan a omamoon so aryarilaw na ni Ama ta do to si Apolahan.

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Ivoso 1:10

Ta o pamnemnekan na ni Ama ta do to no kakwa am itoro na o makakaday do karawan a kado teyngato ji Kizisto a italamozong na, no marateng o araraw no nipamnekan na ni Ama ta do to.