1 Kedinto 3:22 - Seysyo No Tao

²² Yamen rana si Apolo a kani Pite am namen meyyangangay a nitovoy na ni Ama ta do to a somidong jinyo. Tana karawan a tana mavyay kano mawakwak a tana sicyaikwaya kano makwa am o yamakakaday rana ya am nitoro na ni Ama ta do to a ipeypapya nyo.

1 Kedinto 3:22 ပူးပေါင်းရင်းမြစ်များ

Yowani 1:42

Makarahan am yangay na si Simong ji Yeso. So nisingkadan na jya ni Yeso. Maniring am, “Imo rana mo Simong am anak na imo ni Yowani. O ngaran mo na am si Civa.” (O peypeypangayan no Civa am Pite. O Pite rana am lalitan.)

1 Kedinto 1:12

O peypeypangayan no ciring ko am yamyan kono jinyo so yamanci no na kapacyanod jyaken. Yamyan kono so yamanci no na kapacyanod ji Apolo. Yamyan so yamanci no na kapacyanod ji Pite. Yamyan so yamanci no na kapacyanod ji Kizisto.

2 Kedinto 4:5

Beken a kataotao namen o namen ipeylimwang, ta namen ipeylimwang si Yeso Kizisto a manoyong a Panirsirngen ta. O namen sidongan jinyo am lamlamsoy na yamen ni Yeso Kizisto.

Veydipi 1:21

Ta o ko ikakman sang no nakenakem am si Yeso Kizisto o ney makdeng na a yako naknakmen. Si mawakwak ko am apyapya pa, ta ahapen na yaken a mangay a macitovong jya.