1 Kedinto 3:18 - Seysyo No Tao

¹⁸ Ji nyo ngalalasa o aktokto no kataotao nyo an. No amyan jinyo so ominara so icicirawat no tao do karawan a mapazway so teneng na am iptad na rana o kapakateneteneng na. Ta ori o ikanoyong na mateneng a tao.

1 Kedinto 3:18 ပူးပေါင်းရင်းမြစ်များ

Matay 13:22

O nizomsi do katamtamkan am katonodan no tao a omamizing so nanao ni Ama ta do to. Am masanga no vazay na do karawan a kalita jya no peymeymasaodan na. Am ori o ikabengbeng no ciring na ni Ama ta do to do onowned na.

Matay 18:4

O akman so kanakan eya ji makazyazyak am ney rakeh na do italamozong na ni Ama ta do to.

Make 10:15

Ko pa ipanci jinyo am o tao a makza no katalamozong na nira ni Ama ta do to am inarahen da o kanakan a meyhanhan no inyapwan da.”

Locya 18:17

Pakanakmen nyo an. No ji kamo akman so kanakan so onowned a meyhanhan ni Ama ta do to am ji na inyo nalamozongan ni Ama ta do to an.”

Locya 21:8

Maniring si Yeso am, “Azimanen nyo an. Ta ji kamo a litai an. Ta mangay o keyyan no aro a tao amvood so ngaran ko a manci no, ‘Yaken am si Kizisto ko,’ a kapanci da pa no, ‘Yamasngen rana o araraw no kavosan no karawan.’ Am ji nyo ngonoci sira an.

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

Loma 12:16

Peyyangangain nyo o tao a sidongen. Ji nyo pahama o nakenakem nyo, ta pehbowen nyo o nakem nyo. Ji kamo mapakateneteneng.

1 Kedinto 15:33

Ji kamo todakakey a kalittan. No macikagagan ka do somagpyan a tao am mangay kapasagpyan na jimo so icicirawat.

1 Kedinto 3:17

Am ori an, no si amyan so tao a mapeykaraherahet so kataotao na a na pacikaopan ni Ama ta do to am jyabo kaji na patovilan jya. Ta o pacikaopan ni Ama ta do to a tao am abo karatan na. Inyo rana am yamyan jinyo si Ama ta do to.

1 Kedinto 4:10

Da ipanci yamen no tao do karawan a abo so kapsepsekan, do namen kapangnanao no ciriciring na ni Kizisto. Am inyo am nyo ipanci o kataotao nyo a mateneng a meyhanhan ni Kizisto. So nyo ikowyowyat pa ka nyamen. So da kolalahan jyamen a da kanig ninyo.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

Cyalatay 6:3

O mapakateneteneng a tao am akma ney littan o kataotao na.

Cyalatay 6:7

Ji kamo manayotayo do tangain na ni Ama ta do to. Ta abo matayo ta do tangain na. So ikanoyong no kapacilocilolo no mahap no tao do makakaday a mina vazay na.

Ivoso 5:6

Am ori o ji nyo litai do kadwan jinyo a manci no kapya no akman sang a vazay. Ta o akman rana sang so icicirawat a tao am amyan so oyaoyyan na nira ni Ama ta do to no makwa, do kaji da niomonotan do nanao na ni Ama ta do to.

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

Yake 1:22

Taosya o kamizing so ciriciring na ni Ama ta do to a ji peyvazaya. Ta o akman rana sang am alalasan o kataotao.

Yake 1:26

No myan so tao a mapakakdekdeng so nakem ji Ama ta do to a kaji na amzatan do ciring na am alalasan na o kataotao na. So ikabo no peypeypangayan na no kararalay na ni Ama ta do to.

1 Yowani 1:8

No si ipanci ta o kabo no raraten ta am alalasen ta o kataotao ta, do kaji ta mangononongan do nanao ni Ama ta do to a nimamizing ta.