1 Kedinto 3:14 - Seysyo No Tao

¹⁴ O mehni so niparing a tao am ori o mavezed. O akman rana sang a tao am ori azawen na.

1 Kedinto 3:14 ပူးပေါင်းရင်းမြစ်များ

1 Kedinto 3:8

O mapamowa sya kano tomaktak jya am meyyangay a lamlamsoy na ni Ama ta do to. So to na palololoi sya ni Ama ta do to do lamlamsoy na so itoro na jira.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

1 Kedinto 9:17

No si to ko minaknakman o kapeylimwang ko no ciriciring na ni Ama ta do to am manoyong o kapangakday ko jinyo. Am na kanitomoro nya jyaken so akman sya vazay ko. So ko anoyngan jya ney makdeng na vazay ko.

Cyalatay 6:4

So ikamimin no tao a manakenakem a manci no, “Manngwa, yapya no yamarahet o iwawalam ko.” No si apya am manoyong o kasaray na. So ji mapadmai so kataotao do icyatatao.

1 Tesalonicya 2:19

Ta inyo o hanhan namen a yamapasaray jyamen. Si meygegcin si Yeso Kizisto a Panirsirngen ta am sino o ipakazwazway namen no jya inyo.

2 Timotay 4:7

O vazay ko rana ji Ama ta do to a na nitoro jyaken am ko na nimamimin a nipateyka nipeyvazay. Akman so malalayo a tao a omtad rana malayo. So ko rana nimiminan so manoyong a nanao a nyahap.

1 Pite 5:1

Inyo rana yakman jyaken a cyozo do kyokay am ko ipanci jinyo o kanimakacita ko si Yeso Kizisto a nipeyrarahet da kawakwak da sya. Ko ipanci jinyo o azwazway ta no makwa do teyngato.

1 Pite 5:4

Ta no si makaranes rana o araraw ni Yeso Kizisto a yaomaponged ninyo am manoyong o kapakahap nyo rana so yazaw na jinyo a to meyyonong a azwazway nyo do teyngato.