1 Kedinto 3:13 - Seysyo No Tao

¹³ Am o mina vazay ta am macita ta rana no makwa o kehni na a kaji nehniyan. Ta no marateng rana o araraw na no yai ni Yeso am patwawen na rana. Ori o ipakateneng rana jya. Ta no makwa am askadan na rana ni Yeso o mina vazay ta.

1 Kedinto 3:13 ပူးပေါင်းရင်းမြစ်များ

Matay 10:15

To ko na macitangayan jinyo am no marateng rana o araraw no kapeykapyapinpin na so tao ni Ama ta do to am makdekdeng pa o oyaoyyan na do ji naotao jinyo a kano nipasingsingkad na do tao do Sotoma kano Hamola no kakwa pa.

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Locya 2:35

Am ori rana o ipatwaw so aro a marahet a nakenakem no tao. Imo rana am akma dey to patovozey so ipangan o onowned mo.”

Loma 2:16

O yako ipeylimwang a Mapasaray a Ciriciring na ni Ama ta do to am no si marateng rana o yai ni Yeso Kizisto a mapeykapyapinpinan so tao am patwawen na rana o makakaday a taywen no tao do onowned da.

Loma 2:5

Am yamo kakmey mavota so onowned a yaji mamlis. Am no si marateng rana o araraw na no peyoyaoyyan na ni Ama ta do to am jyabo kaji nakdekdengan pa no ipasingsingkad na jimo no ji mapeycyakaban so tao a Tao do to a.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

1 Kedinto 3:12

O mangamaog so vahay a tao am amyan so mangamaog no vowawan. Amyan so mangamaog no lalitan. So iyan no tao a mamaring no kayo a kano vocid.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

2 Timotay 1:18

Inaoy no ikasi na ni Yeso a Panirsirngen ta no si marateng rana o yai na a mapeykapyapinpin so tao do karawan. Yamo katenngan rana o aro a vazay a nisidongan na jyaken no keyyan ko pa do Ivoso.

2 Timotay 3:9

So ikanoyong no vazay da abo so angangayan. Ta meytotwaw rana o karatan da do tangain no aro a tao akman si Yanayse a kani Yangpole.

2 Timotay 4:8

Am ori o na iyan no azaw ko apo ji Ama ta do to. Ta si mai rana o yamapeyyangangay a mapacici a Panirsirngen ta am itoro na rana jyaken. Am beken a yaken o torwan na nya. Ta itoro na ori do tao a amraralay nya kano somaray a amnanala sya a mai do teyrahem.

Sipolay 10:25

Ji ta nginara sira o yatatasa ka tao a yato nazibo no da kararalay ni Ama ta do to do kalwalovotan no tao. So ipasipapait ta, ta tamo na katenngan o na kasngen rana no araraw na no na yai ni Yeso. So ikakdekdeng tamo pa a mapait so kadwan jyaten.

1 Pite 1:7

O peypeypangayan no alalaw nyo am ipakateneng jinyo a manoyong so nakem ji Ama ta do to. Mapaonag no apoy o ovay. Am o nakenakem nyo ji Ama ta do to am jyabo kaji nakdekdengan pa kano ovay a jyagonay a. So ji na alasi no keyleylamdam na so onowned nyo ni Ama ta do to. No si ji kamo a hayo am mahap nyo rana o kazwayan nyo no marateng rana o araraw no yai na ni Yeso Kizisto.

1 Pite 4:12

Manga keypong, ji nyo ngyakan o keyyan no makdeng a alalaw nyo a ileylamdam na jinyo ni Ama ta do to. Ta kangay na ori no alalaw ta amraralay ni Ama ta do to a tao.

2 Pite 3:10

Am o araraw no yai na no Panirsirngen ta am jyaziman a akmey manakaw a tao. No si marateng o araraw ori am meykaing a matemtem do kakavos no karawan a kabo na rana no sinokob no hanit a kano teyrahem a matemtem no rako a lila no apoy. So ikabo na rana no masaod no karawan.

2 Pite 3:7

Am sicyaikwaya am yajyablis o hanit a kano teyrahem, do yana kahad sya no ciring na ni Ama ta do to, mangay do itemtem na so hanit a kano karawan a kano ji manganoyong a tao, no marateng rana o araraw no ipeykapyapinpin na so tao ni Ama ta do to.

Ipaziman 20:12

Makacita ko pa so nimawakwak a tao. Tana meynakem a tana jyeynakem am abo ji nanek do tangain na. So nikawasak na rana no vakong. O asa ka vakong a adketan no ngarangaran no yanan na rana no to meyyonong a inawan da am akman sang a mawasak. O nimawakwak rana tao am to macilocilolo do mina iwawalam da no keyyan da pa do karawan o domket do aro a vakong ang a ipacici na sira.