1 Kedinto 3:11 - Seysyo No Tao

¹¹ Ta abo ikararwa na ni Yeso Kizisto a nipamnekan na ni Ama ta do to a akma ney soil.

1 Kedinto 3:11 ပူးပေါင်းရင်းမြစ်များ

Matay 16:18

To ko na macitangayan jimo am imo rana am si Pite ka. So icyakma moy lalitan a patnekan ko so kyokay. So ji na rana makagogaji nya ni Satan. Ta akman rana sang am jyagogad no oyowyat ni Satan.

1 Kedinto 3:10

No ko pangozayan o nitoro na jyaken ni Ama ta do to a teneteneng am ko akmey mateneng a mangamaog so vahay a tao, do kanimapangay ko so soil na a katonton da jya pakapyahen do teyngato no karwan no tao. So pakapyan da so paringen da vahay.

1 Kedinto 3:12

O mangamaog so vahay a tao am amyan so mangamaog no vowawan. Amyan so mangamaog no lalitan. So iyan no tao a mamaring no kayo a kano vocid.

Ivoso 2:20

Ta nyo nimahap rana o nanao da no nipamnekan ni Yeso a omlivolivon no ciriciring na kano mangononong so ciriciring na ni Ama ta do to. So na ikamimin no nang a yapo ji Yeso Kizisto.

2 Timotay 2:19

Am yajyablis o manoyong a nanao na ni Ama ta do to. Ta maniring do nivatvatkan a Ciriciring am, “Katenngan na ni Yeso o omanoyong jya tao.” Maniring pa am, “O manci no kararalay da ni Ama ta do to am peymakarwan da rana o raraten da.”

1 Pite 2:4

Omasngen kamo so nakem ji Yeso Kizisto a Panirsirngen ta. Ta iya rana am yamanta nyaten so to meyyonong a ikavyay no pahad ta. So na icyakmey lalitan a tey mehni. Tana to da nazibwan no tao am jyakman sang si Ama ta do to a to nazibo nya. Ta si Yeso am nitenngan na ni Ama ta do to akmey lalitan a ikehni no onowned ta.