1 Kedinto 3:10 - Seysyo No Tao

¹⁰ No ko pangozayan o nitoro na jyaken ni Ama ta do to a teneteneng am ko akmey mateneng a mangamaog so vahay a tao, do kanimapangay ko so soil na a katonton da jya pakapyahen do teyngato no karwan no tao. So pakapyan da so paringen da vahay.

1 Kedinto 3:10 ပူးပေါင်းရင်းမြစ်များ

Matay 24:45

“Sino ipeyhanhan a tey mapatak a lamlamsoy. Iya rana am ipeyhanhan no lawpan a omaponged no vahay na do kapeyyangangay na so isovo da kanen no karwan no lamlamsoy na.

Matay 7:24

“O tao a omamizing so ciring ko a mapeyvazay sya am akman so mapatak a tao a mapatnek so vahay na do lalitan.

Locya 11:35

Am ori o azimanan nyo so onowned nyo. Ta si mablis o zezak no onowned nyo am mangay o kangay nyo do kasarisaryan.

Locya 21:8

Maniring si Yeso am, “Azimanen nyo an. Ta ji kamo a litai an. Ta mangay o keyyan no aro a tao amvood so ngaran ko a manci no, ‘Yaken am si Kizisto ko,’ a kapanci da pa no, ‘Yamasngen rana o araraw no kavosan no karawan.’ Am ji nyo ngonoci sira an.

Nimlivolivon 18:27

Meyratateng am naknakmen na ni Apolo o kangay na do Akayya. Ori o nisidongan da sya no akma ney kakteh do cinai do Ivoso a meyteygami nira no omanoyong ji Yeso do Akayya tomaotao sya no mangay jira. Makaranes rana dang si Apolo am arako o nisidongan na sira so nimakahap rana so pangangarilawan na ni Ama ta do to a tao.

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Loma 12:3

Yaken rana a nipamnekan ni Ama ta do to a lamlamsoy na a nipantan na so aryarilaw na am ko vavagan inyo. Ji nyo pahamaha o kataotao nyo. Ta to nyo palololwa o ahahapan nyo so kataotao nyo do na nitoro jinyo ni Ama ta do to a teneteneng nyo.

Loma 15:15

Am o teygami rana ya am ji ko na nayotaywa o ciring ko a inanao ko jinyo do yamakakaday a nyo pa jyataptap a vazay. Ta na nipamnekan yaken ni Ama ta do to a lamlamsoy na ni Yeso Kizisto a yameyvazay do beken a tao do Yotay. So yako ikakmey mapatanatanang so kingking a tao a yameylimwang no Mapasaray a Ciriciring na ni Ama ta do to. Inaoy no si akmey kingking sira o beken a tao do Yotay a isaray na ni Ama ta do to, ta niblis na rana no Seyzi o onowned da. So ikanoyong da rana abo so raraten do tangain na ni Ama ta do to.

Loma 15:20

O ney kakza ko a angayan a meylimwang no Mapasaray a Ciriciring am do ji da pa nimakamizngi so monganay ji Kizisto a ili. Ta ko jyakzan o kapirwa ko so nyangayan da rana nimangnanao.

1 Kedinto 3:11

Ta abo ikararwa na ni Yeso Kizisto a nipamnekan na ni Ama ta do to a akma ney soil.

1 Kedinto 9:2

Tana ji da panadnada yaken a nipamnekan ni Kizisto am cyaha, ta nyo panadnaden yaken a nipamnekan ni Kizisto. Ta inyo o yongkad na no kanimamnek na jyaken ni Kizisto a Panirsirngen ta.

2 Kedinto 10:15

O yanamen jya nimatokod rana a ili am namen jyadkeci a yapazwain a manci no kanimapeyvazay namen sya. Am namen isaray o kapeypahagnat no onowned nyo. Ta ori o karakorako na pa no vazay namen jinyo,

Ivoso 2:20

Ta nyo nimahap rana o nanao da no nipamnekan ni Yeso a omlivolivon no ciriciring na kano mangononong so ciriciring na ni Ama ta do to. So na ikamimin no nang a yapo ji Yeso Kizisto.

Kelosi 1:29

Am ori an o ko ikowyat a yameyvazay a ji macimazikna do vazay a mangozay do na kaniomoyat jyaken ni Kizisto a yanitomoro no vazay na jyaken.

Kelosi 4:17

Ipanci nyo ji Asipo, ta pakavosen na o nitoro na jya ni Ama ta do to a vazay.

1 Tesalonicya 3:2

Namen nitovoy o akma tey kakteh do cinai si Timotay a mangay jinyo do dang. Iya rana am kararay namen a mahap so vazay na ni Ama ta do to a meylimwang no Mapasaray a Ciriciring na ni Kizisto. O namen nitovoyan sya am sidongen na inyo a komdeng so nakem a omraralay ni Ama ta do to,

1 Timotay 4:16

Meypepzat ka so kataotao an. Akman so sang o ipangnanao mo an. Ji mo macimazai o vazay mo. Ta ori o ipatazadang na jimo ni Ama ta do to do teyngato. So ikakman da sang no pamizngen mo a tao a patazadangen na.

2 Timotay 2:15

Makowyowyat ka pa do tangain na ni Ama ta do to a mapacita no kaji mo ablisan no nakenakem jya a abo so karatan a mahap so vazay na a mapatak a mangnanao no manoyong a nanao na.

Yake 3:1

Manga kakteh, ji nyo ngakdaya o kamimin nyo a mangnanao. Ta o mangnanao so tao am arakorako pa o oyyan na nira ni Ama ta do to, no si meyraraten sira, kano ji mangnanao a tao.

1 Pite 4:11

O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.

2 Pite 3:15

Naknakmen nyo o kaji na angsahan jinyo a pananalahen ni Ama ta do to. Ta ori o avyayan na jinyo, akman so mina ciring ni Pawlo a akma tey kakteh do cinai do teygami na a mangozay do teneng na ni Ama ta do to.

Ipaziman 21:14

O abneken na soil no atoy am adwa o icyarwa no lalitan a kakakadayan no ngaran da no nipamnekan no Kagling a amlivolivon no ciriciring na.

Ipaziman 21:19

O soil na no atoy no ili am pangayan da so ikadwa na so icyarwa no makakaday a masingat a lalitan a yazwazway da sya.