1 Kedinto 2:15 - Seysyo No Tao

¹⁵ O yanan no Seyzi na ni Ama ta do to a tao am ori o makateneng do monganay ji Ama ta do to a vazay. Am o kabwan no Seyzi a tao am ji da tenngi o monganay ji Ama ta do to a vazay. Am ori o ji da zyaki no akman sang a tao.

1 Kedinto 2:15 ပူးပေါင်းရင်းမြစ်များ

Yowani 7:17

No manoyong o tao a mangononong do apyahen ni Ama ta do to am katenngan na o ka yaken na, ka si Ama ta do to no nanao.

Nimlivolivon 16:3

Palolwen na ni Pawlo si Timotay am yongkadan na o kataotao na no iwawalam no tao do Yotay, ta panadnaden na o tao do dang a makateneng ji ama na a beken a tao do Yotay.

1 Kedinto 14:37

No myan so tao a yamanci no kapangononong na so ciriciring na ni Ama ta do to a kano manci no keyyan no oyowyat na jya no Seyzi am naknakmen na o yadomket do teygami ko ya. Ta yamonganay ori ji Ama ta do to.

1 Kedinto 3:1

Manga kakteh, ji ko na naywa jinyo o ciring ko. No kananao ko pa jinyo no kakwa am ji ko meyhanhanan inyo a ipeypalanginan na no Seyzi. Ta monganay kamo pa do karawan. So nyo icyakmey kanakan pa so nakenakem a yaji meypahagnat a yamraralay ni Kizisto.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

Cyalatay 6:1

Manga kakteh, inyo rana yamakdeng so nakem ji Ama ta do to am no myan so tao a to meyraraten am ji nyo anigan a pamizngen. Am taosya o kapahama nyo so onowned nyo a mapamizing sya. So ipeytataziman nyo, ta kalittan kamo.

Veydipi 1:10

So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

Kelosi 1:9

Mamizing namen inyo am masangib namen a meynozi ninyo. Ipeynozi namen o kapanta na ninyo no Seyzi so makakaday a teneteneng a makateneng do nisidongan na jinyo ni Ama ta do to a kano peypalanginan na ninyo.

1 Tesalonicya 5:21

Am pakanaknakmen nyo o nimamizing nyo a nanao da jinyo a kownot nyo do manoyong a nanao an.

Sipolay 5:14

O asa ka ciring dang am o makaveyvow o koman so cinvevekeh, ta mapeyneynara da rana. Akman so sang o makaveyvow a tao a makateneng do apya kano marahet.

1 Yowani 2:20

Am na rana nitoro jinyo o Seyzi ni Kizisto. Am ori o nyo ikamimin a yarana makateneng do nanao ni Ama ta do to.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.