1 Kedinto 2:14 - Seysyo No Tao

¹⁴ O kabwan no Seyzi na ni Ama ta do to am ji na hap o itoro no Seyzi na ni Ama ta do to. Ta o akman rana sang a tao am ji da tenngi o akman sang a vazay. Ta ipanci da abo so angangayan. Ta o yanan no Seyzi na ni Ama ta do to o makateneng jya.

1 Kedinto 2:14 ပူးပေါင်းရင်းမြစ်များ

Matay 16:23

Meyvazingowngaw si Yeso am maniring ji Pite am, “Kazey mo Satan. Ta mo zazatan o ko pangonongan. Ta o nakenakem mo am beken a nakenakem ni Ama ta do to. Ta monganay do tao.”

Yowani 10:20

Aro jira manci no, “Yakovotan ori. Yazomyak. Nyo amizngan sya.”

Yowani 12:37

Tana aro o yongkad na apo ji Ama ta do to am ji da nganoyngi si Yeso.

Yowani 14:17

Iya rana am yamapatwaw so manoyong a nanao ni Ama ta do to. Am da to nazibwan no yaji nganoyong jyaken a tao. Ta da jyacita. Am ori o da ji makatenngi jya. Am inyo am nyo katenngan o Seyzi a macikaop jinyo a Rarey nyo a yaji macisyay jinyo.

Yowani 14:26

O yasomidong jinyo a Seyzi am tovoin na jinyo ni Ama ta do to a kapalit ko a kananao na jinyo no makakaday a vazay a kapakanakem nyo na so mina ciring ko jinyo no kakwa.

Yowani 15:26

“O yasomidong jinyo a Seyzi am yapo ji Ama. Iya rana am mapatwaw so nanao ni Ama ta do to. So tovoyan ko sya apo ji Ama a mangay jinyo do dang a kapeylimwang na nyaken jinyo.

Yowani 5:44

Nyo ikeykakza pa o da kazwazway jinyo no kadwan jinyo. Nyo jyakzan o azwazway a yapo ji Ama ta do to. Ori o yanyo ji nganoyngi jyaken.

Yowani 8:43

Ikongo nyo ji makatenngi do ciring ko. O na ikakman sang am nyo jyakzan a amizngen o ciriciring ko.

Nimlivolivon 16:14

Amyan jira ang so asa ka mavakes apo do Tiyatila a meyngaran si Ditiya. O vazay na am macinginangina no masingat a akmey nikowpasan a vangkoro a milakayob. Makdeng o nakenakem na ji Ama ta do to. Mamizing na o ipangnanao ni Pawlo a ciring ni Yeso am mina todeywangi o onowned na, do kanisomidong na sya ni Ama ta do to.

Nimlivolivon 17:18

Amyan dang so mangnanao no nanao ni Ipikolo a kani Sitoke. Sira rana am nimai sira macinekanekad ji Pawlo. Maniring o kadwan jira am, “Ikongo na ipanci no nya a yajyapsepsek ang.” Amyan so manci no, “Yana ipanci o da iraralay no tarek a pongso.” Ta o ipeylimwang na ni Pawlo am si Yeso a kano keypirwa na nimavyay.

Nimlivolivon 17:32

Mamizing da si Pawlo a manci no keyyan no nimawakwak a tao a nimirwa mavyay am ipeykeykaming da. Maniring o tatasa jira am, “Namen tey kakza pa yamizngen o mo ipangnanao.”

Nimlivolivon 18:15

Am o nyo ikazyak am yaomagaz do adan a iwawalam nyo. So to nyo rana mapeyvazai sya, ta ko jyakzan eya peyvazain.”

Nimlivolivon 25:19

O da oyyan nya am ji na nionotan o iwawalam da no tao do Yotay. Ta onotan na o asa ka tao a meyngaran si Yeso a nimawakwak rana. Am ipanci na ni Pawlo o kanimirwa na mavyay no nang.

1 Kedinto 1:18

O ipeylimwang a jyojika ni Yeso Kizisto am abo o peypeypangayan na do ji manganoyong a tao. Am yaten a na patazadangen do teyngato ni Ama ta do to am tey rako ori a oyowyat na ni Ama ta do to.

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

1 Kedinto 1:23

Am yanamen ipeylimwang si Kizisto a nipadket da do jyojika. O akman rana sang do tao do Yotay am ipacimanig da. Am no citahen da o akman sang no beken a tao do Yotay am abwata o ayyaingan na.

1 Kedinto 1:25

Ta o todalapit a teneng ni Ama ta do to am maharahara pa kano teneteneng no tao. O alikey a oyowyat ni Ama ta do to am rakorako pa kano rako a oyowyat no tao.

1 Kedinto 15:44

O kataotao ta am ori o ibobo. Am o mirwa a mavyay a kataotao am vayo rana ori a mavyay do teyngato. No manoyong keyyan no kataotao ta do karawan am manoyong keyyan no kataotao ta do teyngato.

1 Kedinto 15:46

Manmanma o kataotao ta do karawan a keyyan na rana no monganay do teyngato a kataotao ta.

1 Kedinto 2:12

Tanyo jya nyahap o teneteneng da no tao do karawan. Ta o nitovoy na ni Ama ta do to a Seyzi am ori o ta nyahap. Ori o ta ipakateneng do makakaday a aryarilaw na jyaten ni Ama ta do to.

1 Kedinto 3:1

Manga kakteh, ji ko na naywa jinyo o ciring ko. No kananao ko pa jinyo no kakwa am ji ko meyhanhanan inyo a ipeypalanginan na no Seyzi. Ta monganay kamo pa do karawan. So nyo icyakmey kanakan pa so nakenakem a yaji meypahagnat a yamraralay ni Kizisto.

Yake 3:15

Ta o akman rana sang a teneng am beken a apo do teyngato, ta apo do tao do teyrahem. So ikamonganay na do karawan a kano kalamsoyan ni Satan.

1 Yowani 2:20

Am na rana nitoro jinyo o Seyzi ni Kizisto. Am ori o nyo ikamimin a yarana makateneng do nanao ni Ama ta do to.

1 Yowani 2:27

Am inyo am na rana nitoro jinyo ni Yeso Kizisto o Seyzi. No si myan jinyo o Seyzi am ji nyo na ngakdaya o nanao da no tao. Ta nanawen na inyo no Seyzi a ipakateneng nyo do makakaday a vazay. O inanao na jinyo no Seyzi am abo do dang malas. Onotan nyo o nanao no Seyzi. Ta ori o ikanoyong nyo a macikaop ji Kizisto.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

Yota 1:19

So to na meyyangai ya kano mina ciring da jinyo. O akman rana sang a mapeyzavozavoz jinyo a tao am abo jira o Seyzi na ni Ama ta do to. Ta kapangozay da do onowned da a omnakenakem so kapeyvwak da so tao.