1 Kedinto 2:1 - Seysyo No Tao

¹ No kangay ko pa jinyo no kakwa pa am ji ko nipatwaw o makdeng a ciriciring ko jinyo a kano teneteneng ko a inanao ko jinyo no kapeylimwang ko no ciriciring na ni Ama ta do to jinyo.

1 Kedinto 2:1 ပူးပေါင်းရင်းမြစ်များ

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

1 Kedinto 1:17

Ta o nipamnekan na jyaken ni Kizisto am beken a manaktak. Ta kapeylimwang ko no Mapasaray a Ciriciring na ni Ama ta do to. So ji ko mangozai do teneteneng ko a mangononong. Ta si akman sang am o teneteneng ko a mangononong o ikakza da ahapen no tao, a kaji da na ngapan so oyowyat no mina kawakwak na ni Kizisto do jyojika.

1 Kedinto 1:6

O ciring na rana ni Kizisto a nipeylimwang ko jinyo am yamanoyong a yana amyan do onowned nyo.

1 Kedinto 2:13

Ori an, ikabeken a teneteneng no tao o namen inanao jinyo a ciriciring. Ta ciriciring no Seyzi o namen ninanao jinyo a na yanan rana no Seyzi na ni Ama ta do to.

1 Kedinto 2:4

O nipeylimwang ko a ciriciring am beken a masalit a amizngen. So ko ji meyhanhani no ciring ko. Ta yako ipeyhanhan o Seyzi a omoyat jyaken a mapatwaw sya.

1 Kedinto 2:7

O yako ipeylimwang eya am ji da pa nipatwaw no tao no kakwa a teneteneng na ni Ama ta do to. Ta no kaji na pa mamaogan no karawan am amyan rana ori a nakenakem na ni Ama ta do to do kapacikaop ta jya no makwa.

2 Kedinto 10:10

Yamyan so tao a yamapeyciring so, “No yameyvatvatek si Pawlo am tana yamangdet pa, yajyowyat am. Am no yana to macimata eya am malma, yabo so oyowyat a yamarahet so ipanirisiring.”

2 Kedinto 11:6

Tana ko jyateneteneng a meyzezyak am jyabo katonton ko so teneteneng jira mangalalas a tao. So yako ikasangib a yamapacita no akman sang a vazay jinyo.

2 Tesalonicya 1:10

O araraw na no ipeygegcin na am mamimin sira omanoyong jya tao a omazwazway sya a somaray nya. Inyo rana am macyangay kamo do dang, ta nyo anoyngan o nipeylimwang namen jinyo a ciriciring na ni Ama ta do to.

1 Timotay 1:11

O manoyong a pangozayan a ciring am yapo do Mapasaray a Ciriciring na ni Ama ta do to a somidong jyaten. Am ori o azwazwayan ta si Ama ta do to an. So na ikanoyong no nang a yako ipeylimwang a ciriciring.

2 Timotay 1:8

Am ori o ji mo asneki a meylimwang ni Yeso a Panirsirngen ta. Ji mo macimasnekan yaken a nipteng da mahap so vazay na ni Kizisto. So ahapan mo so alalaw ta no kapeylimwang ta no Mapasaray a Ciriciring, ta na sidongen imo ni Ama ta do to.

1 Yowani 4:14

Si Ama ta do to am na nitovoy o Anak na do karawan a mapatazadang jyaten do teyngato. So namen nipakacittan so akman sang, a namen kapeylimwang rana no nang do tao.

Ipaziman 1:2

Meyratateng am padketen na rana ni Yowani do vakong o nimacita na aro a vazay. Ori rana am nipatwaw ni Yeso Kizisto a ciriciring a apo ji Ama ta do to.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”