Maniring si Yeso jya am, “To ta macyozai o akman sya vazay an. Ta o ikakman na sya am ahapen ta o vazay ni Ama ta do to.” Makarahan am to na rana amya ni Yowani a taktakan si Yeso.
Karwan na sira am amyan so ciring na jira. Maniring jira am, “No si apyahen ni Ama ta do to am pirwan ko pa o kai ko do jya.” Meyratateng am somakay rana do avang a komaro do Ivoso.
Am no si apyahen na yaken ni Yeso a Panirsirngen ta am jyabo kapeyyahahay ko a mangay a tomita jinyo a. No si marateng rana o araraw no yangay ko jinyo do dang am jyabo kaji ko ankadan do vazay da kano ciring da no mapakazwazway a tao.