1 Kedinto 15:2 - Seysyo No Tao

² O Mapasaray a Ciriciring na ni Ama ta do to o nipakahap nyo so to meyyonong a ikavyay no pahad nyo. So pangozayan nyo jya an, ta no si ji nyo mangozay am abo o peypeypangayan na no kanoyong nyo ji Yeso Kizisto.

1 Kedinto 15:2 ပူးပေါင်းရင်းမြစ်များ

Locya 8:13

O nimakas do kavatovatwan am akman so masasaray a omamizing so ciring na ni Ama ta do to am ji makayamot do onowned da. No myan so alalaw da am makeykai sira kalittan. Am ori o ji da rana meyhanhani ni Ama ta do to.

Nimlivolivon 2:47

kazwazway da si Ama ta do to. So ikaro no tao a manci no kapiya no icicirawat da. Am ori o nipangday da do araraw a meyparo no tao a omanoyong ji Yeso.

Nimlivolivon 8:13

Tana si Simong am mina to na nganoyngi rana a kataktak da jya. Meyratateng am macihza rana ji Veydipo. Macita na o mapeyzokab a vazay na ni Veydipo am nisavasavak na.

Loma 1:16

Ko ipeyhanhan o Mapasaray a Ciriciring na ni Ama ta do to. Ta ori rana am oyowyat na ni Ama ta do to a omahap so omanoyong jya tao do kapyapyan. Oya rana am manmanma a nipeylimwang do tao do Yotay a kapacitonton da no beken a tao do Yotay.

Loma 11:22

Naknakmen nyo pala si Ama ta do to. Ta yamyan so pangangasyan na. Yamyan so peyoyaoyyan na. O meyraraten a tao am manoyong kaoya na nira. Am inyo am na ikasi. Am ori o ji nyo ngaroi do pangangasyan na ni Ama ta do to. Ta akman kamo so yangaw no kayo a polcingen na.

1 Kedinto 1:18

O ipeylimwang a jyojika ni Yeso Kizisto am abo o peypeypangayan na do ji manganoyong a tao. Am yaten a na patazadangen do teyngato ni Ama ta do to am tey rako ori a oyowyat na ni Ama ta do to.

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

1 Kedinto 11:2

Ko isaray inyo, ta nyo masangib yaken a yamanakem a yamangozay do nipamizing ko jinyo a iwawalam no kyokay.

1 Kedinto 15:14

No jya nimirwa a mavyay si Kizisto am jyabo angangayan no kapeylimwang namen nya. Jyabo peypeypangayan no kanoyong nyo ji Yeso a.

2 Kedinto 2:15

Tamo akman rana si Yeso Kizisto a na isaray ni Ama ta do to, do ta kapeylimwang no Mapasaray a Ciriciring na do omanoyong jya tao a kano ji nganoyong jya tao.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Cyalatay 3:4

Manngwa, abo peypeypangayan na no kato nyo meyrektan do mina alalaw nyo no kakwa? Jyabo kakman na sang a.

Ivoso 2:8

Na nyahap inyo do peyraratenan nyo, ta nyo rana ipeyhanhan si Kizisto. O nyo ipakahap so sang am beken a oyowyat nyo, ta omagaz do pangangarilawan na ni Ama ta do to a na yazaw jinyo.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

2 Tesalonicya 2:15

Ori an manga kakteh an, makakdeng kamo so nakenakem an. O ninanao namen jinyo a ciriciring na ni Ama ta do to am meyyangay ori a kano ciriciring namen do teygami a miminen nyo a ahapen.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

Sipolay 10:23

Am ori o ji ta na ablisi so nakem a to ngotokot no kararalay ta ni Ama ta do to. Ta o mina ciring na jyaten ni Ama ta do to am abo kalasan na.

Sipolay 2:1

Am ori an, peyyanan ta so nimamizing ta a nanao na ni Ama ta do to do onowned ta. Ta ori o ji ta macisyai do manoyong a nanao na ni Ama ta do to.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Sipolay 4:14

Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

Yake 2:14

Manga kakteh, no myan so tao a manci no kakdeng na so nakem ji Ama ta do to a kaji na mapatwawan sya do icicirawat na am ikongo peypeypangayan no akman sang so nakem ji Ama ta do to. Manngwa, ikavyay no pahad na o akman sang?

Yake 2:17

Akman sang o nakenakem ta si Ama ta do to. Ta no ji ta patwawa do icicirawat ta am akmey ji ta manaralay a tao.

Yake 2:26

Akman so kataotao ta. Ta no ji rana ngineynawa o tao am mawakwak o akman sang. Akman sang o nakenakem ta ji Ama ta do to. Ta no ji peyvazaya am abo o peypeypangayan no akman sang.