1 Kedinto 15:13 - Seysyo No Tao

¹³ No ji mirwa a mavyay o tao am ji nimirwa a mavyay saon si Kizisto am.

1 Kedinto 15:13 ပူးပေါင်းရင်းမြစ်များ

Nimlivolivon 23:8

Ta ji da nganoyngi no tao a macyagom do Satokay o keypirwa da mavyay no nimawakwak a tao. Ji da nganoyngi o keyyan no tinsi a kano keyyan no pahad no tao. Am o tao a macyagom do Vadisay am miminen da ori a anoyngan.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

Loma 8:23

Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

1 Kedinto 15:12

No yamanoyong namen kapeylimwang ni Kizisto a nimirwa a mavyay am ikongo na iyan jinyo no tao a yamanci no kaji mirwan a mavyay no nimawakwak rana tao.

1 Kedinto 15:14

No jya nimirwa a mavyay si Kizisto am jyabo angangayan no kapeylimwang namen nya. Jyabo peypeypangayan no kanoyong nyo ji Yeso a.

1 Kedinto 15:20

Am yajyakman sang an. Ta yamanoyong si Kizisto a yanimirwa a mavyay. Ori rana am yongkad no kanoyong da mirwa a mavyay no yarana nimawakwak a yamraralay nya a tao.

1 Tesalonicya 4:14

Ta yata anoyngan si Yeso a nimawakwak a kapirwa na mavyay. Akman sang, ta yata anoyngan si Ama ta do to a mapeyvangon so omanoyong jya a nimawakwak a tao. No mirwa pa si Yeso a mai am macihza sira mai.

2 Timotay 4:8

Am ori o na iyan no azaw ko apo ji Ama ta do to. Ta si mai rana o yamapeyyangangay a mapacici a Panirsirngen ta am itoro na rana jyaken. Am beken a yaken o torwan na nya. Ta itoro na ori do tao a amraralay nya kano somaray a amnanala sya a mai do teyrahem.

Sipolay 13:20

Si Ama ta do to rana a yamanta nyaten so ikapiya no onowned ta am nipeyvangon na si Yeso a Panirsirngen ta do heseb na. Na rana nipangononongan ni Ama ta do to no rala ni Yeso o to meyyonong a pangozayan a ciring na. So na ikanoyong a tomalamozong nyaten aro a tao.

Sipolay 2:14

Yaten rana akma ney anak ni Ama ta do to am tao ta do karawan. So nicyakman na jyaten ni Yeso a yamyan so kataotao. Am mawakwak rana o kataotao na ni Yeso am haragen na o oyowyat ni Satan a omwakwak so tao.

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

Ipaziman 1:18

Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.