1 Kedinto 15:1 - Seysyo No Tao

¹ Manga kakteh, manakem nyo o ninanao ko jinyo no kakwa a Mapasaray a Ciriciring na ni Ama ta do to. Ori rana am nyahap nyo na yamanoyong a yanyo pangozayan.

1 Kedinto 15:1 ပူးပေါင်းရင်းမြစ်များ

Yowani 12:48

O tomaosya jyaken a ji ngahap so nanao ko am pangozayan ko o ciring ko a manci no keyyan no raraten na no masasnad rana o araraw no kapeykapyapinpin na so tao ni Ama ta do to.

Nimlivolivon 11:1

O nipamnekan ni Yeso a omlivolivon no ciriciring na kano aro a sinjya do Yotay am mamizing da o beken a tao do Yotay a omanoyong rana do ciriciring na ni Ama ta do to.

Nimlivolivon 2:41

So ikaro da no tao a mahap rana so ipangnanao na a kataktak da rana jira. No kanang rana am omanoyong ji Yeso am nikarapan sira so kakatlwan a ranaw (3000) a tao.

Loma 11:20

Jyabo na kalalasan no ciring nyo a. O yada polcingan sya am sira ji manganoyong o tao do Yotay. Inyo am apya kamo, ta kamo manganoyong. Am ko ipanci jinyo am ji kamo mapahama so nakenakem an. Ta manginanawa kamo.

Loma 2:16

O yako ipeylimwang a Mapasaray a Ciriciring na ni Ama ta do to am no si marateng rana o yai ni Yeso Kizisto a mapeykapyapinpinan so tao am patwawen na rana o makakaday a taywen no tao do onowned da.

Loma 5:2

O ta ikakman sang sicyaikwaya am pangangarilawan na ni Ama ta do to, do ta kapeyhanhan ni Kizisto. Am ori o ikasaray ta, ta katenngan ta o kahap na jyaten ni Ama ta do to do teyngato a macikasaray do azwazway na.

1 Kedinto 16:13

Meytataziman kamo an. Makahadpet kamo so nakenakem a omraralay ni Ama ta do to. Ji kamo a nyahey.

1 Kedinto 3:6

Ko nimowa a na kataktak jya ni Apolo. O amzowazovo sya am si Ama ta do to.

1 Kedinto 4:15

Tana todaro tao amnanao jinyo a mapeypahagnat so nakenakem nyo ji Kizisto am asa saon o ama nyo am. Ta yaken rana am nipeylimwang ko jinyo o Mapasaray a Ciriciring na ni Ama ta do to. So yako icyakmey ama nyo a omanoyong ji Yeso Kizisto.

2 Kedinto 1:24

Beken a namen gacigatan inyo a manganoyong, ta yakamo na makdeng so nakem ji Ama ta do to. So namen kagagan ninyo a pacivazayan do namen kapasaray jinyo.

1 Tesalonicya 1:6

Tana aro o alalaw nyo am kamo masaray a na sidongen no Seyzi a yamahap so ciriciring na ni Ama ta do to a yaominara si Yeso, akman jyamen a yajyamama no alalaw namen.

1 Tesalonicya 2:13

Namen masangib a yasomaray nya ji Ama ta do to. Ta o namen nipeylimwang a ciriciring na am nyo na nimamizing. Nyo na nimahap. So nyo ji mancii nya ciring no tao, ta nyo anoyngan ori a ciriciring na ni Ama ta do to. Ta o ciring ori am yaomoyat do onowned nyo a yarana omanoyong ji Yeso Kizisto.

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

2 Tesalonicya 3:6

Manga kakteh, namen pangozayan o ngaran ni Yeso Kizisto a Panirsirngen ta a manci nya jinyo. Ji nyo nganopa sira o akma tey kakteh do cinai a abwata so vazavazay a yaji ngahap so nanao namen jinyo.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.