1 Kedinto 14:6 - Seysyo No Tao

⁶ Am ori an, manga kakteh an. No si mangay ko jinyo a kapangononong ko no ji nyo a tenngi a ciring am ikongo peypeypangayan na no akman sang. Si ahapen ko saon o ciring nyo a mangononong so ciriciring na ni Ama ta do to am ori o ipakasidong ko jinyo saon am.

1 Kedinto 14:6 ပူးပေါင်းရင်းမြစ်များ

Matay 11:25

No kanang am maniring si Yeso am, “Mo Ama a Panirsirngen do teyngato a kano karawan, ko isaray jimo, ta mo nibengbeng do mapakateneteneng a tao o aro a vazay, a mo kapatwaw sya do yamapehbo so nakem da a tao,

Matay 16:17

Maniring si Yeso am, “Imo rana Simong a anak ni Yowani am ka tey yapya so ngilin. Ta o nanao rana ya am beken a tao yanimapahap sya jimo. Ta si Ama ta do to o yanimapatwaw sya jimo.

Matay 16:26

Tana to na mimin o masaod no karawan na mahap a kaji na makahapan so to meyyonong a ikavyay no pahad na am ikongo peypeypangayan no akman sang. Ikongo pa o ipalit na pa so to meyyonong a ikavyay no pahad na.

Nimlivolivon 2:42

So nikowyat da macinanao do nipamnekan ni Yeso a omlivolivon no ciriciring na kalwalovot da rana meynozi a kakan da so pang a makanakem si Yeso a nimawakwak.

Loma 15:14

Manga kakteh, ko anoyngan inyo a yapiya so yahahapan sya a yamateteneng a yamvavaga do kadwan jinyo.

Loma 16:17

Manga kakteh, o ko ivavaga jinyo am azimanen nyo sira o mangamaog so ciring a ipeyvwak da jinyo a iraherahet da so nakenakem da no amraralay ni Ama ta do to. Azimanen nyo sira o amlikolikod do manoyong a nanao a nimamizing nyo. Ta o akman rana sang a tao am ji nyo macikasngeni sira.

Loma 6:17

Am ta isaray ji Ama ta do to. Ta no kakwa am akma ney lamlamsoy inyo no raraten. Am sicyaikwa rana ya am yasa rana o onowned nyo a yaomonot do manoyong a nanao.

1 Kedinto 10:33

Inarahen nyo o mina vazay ko a mapasaray so aro a tao a ji mangozay do apyahen ko no nakem. Ta panadnaden o icyatatao. Ta ori o ikablis da no onowned da ipakahap da so to meyyonong a ikavyay no pahad da.

1 Kedinto 14:1

Am ori o ikakdekdeng nyo pa mangarilaw so icyatatao nyo. Akman sang, ta ikakza nyo o teneteneng a kano oyowyat a itoro na jinyo no Seyzi. Am ney makdeng na am mangononong so ciriciring na ni Ama ta do to.

1 Kedinto 14:7

No si malas o patbokan da so anood am abo tao a makateneng do anwanood.

2 Kedinto 11:6

Tana ko jyateneteneng a meyzezyak am jyabo katonton ko so teneteneng jira mangalalas a tao. So yako ikasangib a yamapacita no akman sang a vazay jinyo.

2 Kedinto 12:1

Abwata kapyapyan no mapazway. Am na keyyan pa no yalikey yako pazwain. Sicyaikwaya am ko malavat o nitoro na jyaken ni Yeso a Panirsirngen ta a akmey tatateynep a nimacita ko.

2 Kedinto 12:7

Ta maraherahet o kazway ko so teywara a nimacita ko a vazay do teyngato. So na iyan do kataotao ko no ko maliliw a akma ney bakbakan jyaken ni Satan. Ori o ko ji makadkeci do ko kapazway so kataotao ko.

Ivoso 1:17

Ko mapasyasi ji Ama ta do to a tey mazway a Tao do to a Ama na ni Yeso Kizisto a Panirsirngen ta a manta ninyo so teneng a kapakateneng nyo rana ji Ama ta do to.

Ivoso 3:4

No si vilangan nyo o teygami ko eya am katenngan nyo rana ori a omaing ji Yeso Kizisto.

Veydipi 3:15

Am ori o ikamimin ta yamakdeng so nakenakem ji Ama ta do to a makateneng do akman sang an. No si macitarek o nakenakem nyo am cyaha, ta si Ama ta do to o mapananao nya jinyo.

2 Timotay 2:14

Pazimanen mo o aro a tao do tangain na ni Ama ta do to, ta ji sira macinekanekad no ciriciring da. Ta abo o peypeypangayan no akman sang. Ta kapeyparahet da nya no omamizing sya tao.

2 Timotay 3:10

Imo rana mo Timotay am mo na nyahap o nanao ko a kano icicirawat ko a kano ahapan ko so vazay do karawan a kano onowned ko ji Ama ta do to. Mo katenngan yaken a ji macimaza do vazay ko ji Ama ta do to a kano pangangarilawan ko so icyatatao ko.

2 Timotay 3:16

O Seysyo rana am mamimin a apo ji Ama ta do to. So ikanoyong na tey mowyat a inanao na so omanoyong jya tao, a iblis na so onowned no malas a tao, a ipaziman na so meyraraten a tao, a inanao na so tao a mangozay do apiya vazay na ni Ama ta do to.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

Tito 3:8

So ikabo no kalalasan no ciriciring eya. Pakanakmen mo a ipanci jira oya an, a kowyat da no amraralay ni Ama ta do to a tao a meyvazay so apiya vazay. Ta o akman rana sya vazay am tey yapya a makasidong so tao.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

2 Pite 1:5

Ori o ikowyowyat nyo pa mapeypahagnat so nakem ji Ama ta do to. Ta ori o ikapya na no icicirawat nyo. Meypahagnat kamo so aktokto. Ta ori o ipakazab nyo so nakenakem na ni Ama ta do to.

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.

2 Yowani 1:9

O ji ngahap so nanao ni Kizisto a mapasala jya tao am abo do onowned na si Ama ta do to. O mahap so nanao na ni Ama ta do to a tao am manoyong sira akma ney anak ni Ama ta do to a macikaop ji Yeso Kizisto.