1 Kedinto 14:3 - Seysyo No Tao

³ Am o mangononong so ciriciring na ni Ama ta do to am tao o nanawen na. Ta isidong na sira, ipait na sira, ipasaray na so onowned da no amyan so alalaw da.

1 Kedinto 14:3 ပူးပေါင်းရင်းမြစ်များ

Locya 3:18

Abwata o ji na manmancyan ni Yowani a ivavaga na jira a kapangnanao na no Mapasaray a Ciriciring na ni Ama ta do to do aro a tao.

Nimlivolivon 13:15

Mateyka na vilangan no asa ka tao o nivatvatkan ni Moyse a kano nivatvatkan no panoyonoywan na so ciring ni Ama ta do to am manovoy o panipanirsirngen no peyneynozyan so tao a mapacici sira. Maniring am, “Inyo rana yararwa am si myan so ipait nyo jyamen am ipanci nyo an.”

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 15:32

Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai.

Nimlivolivon 4:36

Akman sang o vazay na no asa ka Diwey a tao do Saypolose a pongso a meyngaran so Yoseyvo. O ingaran da jya no nipamnekan na ni Yeso a omlivolivon no ciriciring na am si Parnapo. O peypeypangayan no ngaran na ori am “Mapayyait so nakenakem.”

Nimlivolivon 9:31

No kanang rana am abo rana o ikalaw da no omraralay ni Yeso a tao do Yotay a kado Cyadidi a kado Samadiya. So nikakdeng da rana so nakem ji Yeso. Ta arako o nisidongan na sira no Seyzi. Am ori o nikaro no tao a omanoyong ji Yeso. So nikapiya no icicirawat da rana omahap so vazay na ni Ama ta do to.

Loma 12:8

No manvavaga o nitoro na jyaten am vavagan ta o icyatatao ta an. No mazonos o nitoro na jyaten am ji ta mangbeywan do icyatatao ta an. O meypanirsirngen am ji maciziziknai o vazay an. No mangarilaw so tao am masaray onowned.

Loma 14:19

Am ori o ikasangib ta mapeyvazay so ikapya no tao a vazay a kano ipeypakdeng no tao so nakenakem ji Ama ta do to a vazay.

Loma 15:2

Manakem ta o kapasaray ta so akma tey kakteh do cinai. Ta ori o ikarapa do onowned da amraralay ni Ama ta do to.

1 Kedinto 10:23

Yamyan so tao a yamanci no, “Sino ipanci o kaji ta naliwayan a mahap so vazay ta.” Jyalas o akman sang a ciring. Am beken a todamimin o vazay a makarapa do onowned. Manoyong kasaliway ta a mahap so vazay ta. Am beken a todamimin o vazay a makasidong so tao.

1 Kedinto 14:12

No nyo tey kakza o teneteneng a kano oyowyat apo do Seyzi am naknakmen nyo o kakza nyo no makasidong so nakenakem da ji Ama ta do to no akma nyoy kakteh do cinai.

1 Kedinto 14:17

Tana apya o inozi mo ji Ama ta do to am ji na sidong o karwan no tao.

1 Kedinto 14:26

Manga kakteh, akman so wanjin o pangozayan nyo. No malovot kamo a meynozi am amyan so meyyanwanood. Amyan so mangnanao. Amyan so mangononong so ciriciring na ni Ama ta do to. Amyan so macitarek so ciring. Amyan so mapeyvaliw sya. Naknakmen nyo o kapeypahagnat da so nakenakem no makakaday a vazay no sinjya. Ta ori o manoyong an.

1 Kedinto 14:31

Apya kapalipalit nyo a mangononong so ciriciring na ni Ama ta do to a kamimin nyo a karapan so onowned.

1 Kedinto 8:1

O nipazos da kanen am tamo mamimin a makateneng do akman sang. O teneteneng rana ya am yapwan no kapazway no tao. Am o pangarilawan am ipeypapya so tao.

2 Kedinto 1:4

Na sidongen yamen do aro a alalaw namen. So ikanoyong namen a mangozay do pangangarilawan na a marilaw no makasazi so makakaday a alalaw da tao.

2 Kedinto 2:7

Inyo rana am to nyo peykabobwa, apwapwen nyo o akman sang a tao an. Ta marahet o katey meyngen na so onowned.

Ivoso 4:29

Taosya o marahet a ciring a makowbot jinyo. Ta o makasidong so tao a kano ikapya no tao a ciring o patwawen nyo. Ta ori o ipakasidong nyo so omamizing so ciring nyo a tao.

Ivoso 6:22

Am ori o yako pasonsonan sya mangay a manci nya jinyo so namen kapiya do jya a kapait na pa so onowned nyo.

Kelosi 4:8

Am ori o ko tovoyan sya yamangay jinyo do dang a manci no namen kapiya do jya a ipait na jinyo so onowned.

1 Tesalonicya 2:11

Nyo katenngan o nakenakem namen jinyo. Ta yakman so inyapwan a mahakay a amvavaga do minapodpod jya,

1 Tesalonicya 2:3

Yabo o yamalas a nanao namen jinyo. Abo o nanao namen a ilita namen jinyo.

1 Tesalonicya 3:2

Namen nitovoy o akma tey kakteh do cinai si Timotay a mangay jinyo do dang. Iya rana am kararay namen a mahap so vazay na ni Ama ta do to a meylimwang no Mapasaray a Ciriciring na ni Kizisto. O namen nitovoyan sya am sidongen na inyo a komdeng so nakem a omraralay ni Ama ta do to,

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

1 Tesalonicya 4:18

Ahapen nyo o ciriciring eya a ipait nyo so onowned no kadwan jinyo a ipasaray nyo sira.

2 Tesalonicya 3:12

O akman rana sang a tao am pangozayan namen o ngaran ni Yeso Kizisto a Panirsirngen ta a mapaziman sira. So ikowyowyat da pa a meyvazay a omyaw no velek da. Ji sira to manazovaz so icyatatao da.

1 Timotay 1:4

Ta peymakarwan da rana o abo so angangayan a kavavatanen a kano katatapilan no ineynapo da a ononongan da. Ta o akman rana sang am mapeyliliman. So ji na makasidongi so tao a makateneng do vazay na ni Ama ta do to. Ta no anoyngan ta am ori o ipakateneng ta jya.

1 Timotay 4:13

So ji mo amtaji no kapeyvilang mo so Seysyo do kalwalovotan a kapeylimwang mo nya inanao sira.

1 Timotay 6:2

No si iraralay na si Yeso no mapeylamsoy jinyo a tao am ji nyo akwan a lamlamsoy da o kapeykakteh nyo sira do cinai. Ta ikowyowyat nyo pa somidong so vazay da. Ahapen mo o akman sya vazay a ipangnanao do amraralay ni Yeso a tao.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

Tito 1:9

Pangozayan na o manoyong a nanao a apo ji Ama ta do to. Ta ori o ipakananao na so amraralay ni Yeso a tao a kano mangalalas a ji manganwanoyong a tao.

Tito 2:15

Nanawen mo sira no yamakakaday a vazay. No myan so ivavaga mo jira kano oyaoyyan mo nira am manakem mo o yada kownot jimo a yamizngen so ciring. Ta ji mo akwan o kalavayo mo.

Tito 2:6

Akman sang, ta vavagan mo sira o malalavayo a mahakay a amzat do kataotao da.

Tito 2:9

Nanawen mo sira o peylamlamsoin da tao, kownot da do ciriciring no peyvazayan da tao. Ji sira mapatongtonggalan, ta kowyat da meyvazay a ipasaray da so lawpan da.

Sipolay 10:25

Ji ta nginara sira o yatatasa ka tao a yato nazibo no da kararalay ni Ama ta do to do kalwalovotan no tao. So ipasipapait ta, ta tamo na katenngan o na kasngen rana no araraw na no na yai ni Yeso. So ikakdekdeng tamo pa a mapait so kadwan jyaten.

Sipolay 13:22

Manga kakteh, ko inyo vavagan am pakamyamizngen nyo o ciring ko an. So na jyanaroi no ciring ko do teygami.

Sipolay 3:13

Mangday kamo do araraw a amvavaga do kadwan jinyo do yanyo ikavyay pa ya. Ta kalittan o tatasa jinyo a to nazibo ni Ama ta do to.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.

Yota 1:20

Am inyo rana manga keypong am makowyat kamo so nakenakem ji Ama ta do to a mangozay do manoyong a nanao na. Ipeyhanhan nyo o Seyzi no meynozi kamo.