1 Kedinto 14:2 - Seysyo No Tao

² Ta o meyzezyak so macitarek a ciring apo do Seyzi am beken a tao o peycirngan na sya, ta si Ama ta do to, do kabo no tao a makateneng jya amizngen.

1 Kedinto 14:2 ပူးပေါင်းရင်းမြစ်များ

Matay 13:11

Tovisan ni Yeso am, “O ji na nipatwaw pa a peypeypangayan na do talamozongan na ninyo ni Ama ta do to o nipanci ko jinyo. Am o karwan no tao am da pa jyatenngi ori.

Make 16:17

O manganoyong a tao am ipanta na sira ni Ama ta do to so oyowyat da mapeyvazay so mapeyzokab a vazay. No pangozayan da o ngaran ko am mavozwaw da o kalamsoyan ni Satan a kapeyzezyak da so macitarek a ciring.

Make 4:11

Maniring si Yeso am, “O ji na nipatwaw pa peypeypangayan na no katalamozong na ninyo ni Ama ta do to am ipanci ko jinyo an. O karwan da no tao am nanawen ko sira no pehngehngayan ko so ciring ko.

Nimlivolivon 10:46

Ta nimamizing da o kapeyzezyak da so macitarek a ciring a apo do Seyzi a somaray ni Ama ta do to. Maniring si Pite am,

Nimlivolivon 19:6

kakadain na sira paoptan na so lima na ni Pawlo. Karahan am meydedna jira o Seyzi. So nipeyzezyak da so matarek a ciriciring no Seyzi a kapeylimwang da no ciriciring na ni Ama ta do to.

Nimlivolivon 22:9

O kararay ko am nimacita da o maniray. O zezyak a nimamizing ko am ji da nimamizing.

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

1 Kedinto 12:10

Akman sang, ta itoro no Seyzi do tao o oyowyat na mapeyvazay so mapeyzokab a vazay, a na katoro nya do yasa ka tao so oyowyat na mangononong so ciriciring na ni Ama ta do to, a na katoro nya do yasa ka tao so teneteneng na mapeypinpin so manoyong a oyowyat no Seyzi a kano oyowyat na ni Satan, a na katoro nya do yasa ka tao so oyowyat na a meyzezyak so macitarek a ciring apo do Seyzi, a na katoro nya do yasa ka tao so teneteneng na a mapeyvaliw so ciring a nipanci da.

1 Kedinto 12:28

Do kyokay na ni Ama ta do to am yamakakaday o tao a nipamnekan na mahap so vazay na. O ney manma na am nipamnekan na ni Yeso a amlivolivon no ciriciring na. Tomonton am mangononong so ciriciring na. O ikatlo na am mangnanao no ciriciring na, katwatonton na rana no meyvazay so mapeyzokab a vazay a kapacyangay da rana no manvonas so ingingnen no tao a kano marilaw no icyatatao da kano makayokod no aro a sinjya kano meyzezyak so macitarek a ciring.

1 Kedinto 13:1

Tana katenngan ko a ipanci o makakaday a ciriciring no tao a kano ciriciring no tinsi a kabo no pangangarilawan ko so icyatatao ko am katonodan no ciring ko o manilo a vaklit.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

1 Kedinto 14:16

No si isaray mo ji Ama ta do to no macitarek a ciring am manngwa, katenngan da o inozi mo no macipeynozi jimo? No si manoyong o kakman na sang am makongo sira macizanod jimo a manci no, “Amin,” do ji da tenngi.

1 Kedinto 14:26

Manga kakteh, akman so wanjin o pangozayan nyo. No malovot kamo a meynozi am amyan so meyyanwanood. Amyan so mangnanao. Amyan so mangononong so ciriciring na ni Ama ta do to. Amyan so macitarek so ciring. Amyan so mapeyvaliw sya. Naknakmen nyo o kapeypahagnat da so nakenakem no makakaday a vazay no sinjya. Ta ori o manoyong an.

1 Kedinto 15:51

Amizngen nyo o mapeyzokab a nanao a jya nipatwaw pa no kakwa a nipanci na jyaken ni Ama ta do to. Beken a to ta mimin a mawakwak. Am mamimin ta mablis so kataotao.

1 Kedinto 2:10

Am na kasidong jyaten no Seyzi na ni Ama ta do to a ta ipakateneng jya. Ta katenngan no Seyzi o makakaday a vazay. Katenngan na o jyatenngi a vazay na ni Ama ta do to.

1 Kedinto 2:7

O yako ipeylimwang eya am ji da pa nipatwaw no tao no kakwa a teneteneng na ni Ama ta do to. Ta no kaji na pa mamaogan no karawan am amyan rana ori a nakenakem na ni Ama ta do to do kapacikaop ta jya no makwa.

Ivoso 6:19

Ipeynozi nyo yaken an, katoro na nya jyaken ni Ama ta do to so ciriciring na ipangnanao ko. Ta ori o ji ko a mamai no ji da pa nipatwaw no kakwa a Mapasaray a Ciriciring na ni Ama ta do to a ipeylimwang ko.

Kelosi 2:2

O ko ikakman sang am ko kakzeben o kasaray nyo so onowned a masicyakarilaw. So ikapinpin na no nang a ko tey kakza inyo a manoyong rana makateneng do nanao ni Ama ta do to a omagaz ji Kizisto.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Timotay 3:9

Ney yapya na am ji meylimoteng o onowned da omanoyong do nanao ni Yeso Kizisto.

Ipaziman 10:7

Ta no si omanam pa avyotan no ikapito no tinsi am pangononongan na rana ni Ama ta do to o mina ciring na pa so aro a lamlamsoy na a panoyonoywan na so ciring na.”