1 Kedinto 14:1 - Seysyo No Tao

¹ Am ori o ikakdekdeng nyo pa mangarilaw so icyatatao nyo. Akman sang, ta ikakza nyo o teneteneng a kano oyowyat a itoro na jinyo no Seyzi. Am ney makdeng na am mangononong so ciriciring na ni Ama ta do to.

1 Kedinto 14:1 ပူးပေါင်းရင်းမြစ်များ

Loma 12:6

Na ikarilaw yaten ni Ama ta do to a nimanta nyaten so meykataretarek a teneteneng ta. Am ori o pangozayan ta do teneteneng ta a nitoro na jyaten ni Ama ta do to a somidong so akma tey kakteh do cinai. No teneteneng a mangononong so ciriciring na o nitoro na jyaten am pangozayan ta o nakenakem ta si Ama ta do to a mangononong so ciriciring na.

Loma 14:19

Am ori o ikasangib ta mapeyvazay so ikapya no tao a vazay a kano ipeypakdeng no tao so nakenakem ji Ama ta do to a vazay.

Loma 9:30

O makdeng do jya am sira rana beken a tao do Yotay a yaji meyhanhan no apya icicirawat da am yana sira nivonas so raraten. Na abneken rana sira apya do tangain na do yada kapeyhanhan nya.

1 Kedinto 12:1

Manga kakteh, inaoy si mamimin kamo a makateneng do oyowyat a kano teneteneng a nitoro na jinyo no Seyzi.

1 Kedinto 12:31

Am naknakmen nyo o kakza nyo no ney yapya na teneteneng a kano oyowyat a isidong nyo so icyatatao nyo. So yako pananawan nya jinyo so ney yapiya na pangozayan nyo.

1 Kedinto 13:13

Am o panganoyngan ta kano sarasaray ta no makwa kano pangangarilawan am to meyyonong. Am ney makdeng na pa am pangangarilawan do yameykatlo ang.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

1 Kedinto 14:22

So ikanoyong na no macitarek a ciring a yongkad no oyowyat na ni Ama ta do to. Am ori rana am ipaziman so ji nganoyong ji Yeso a tao. Am o mangononong so ciriciring na ni Ama ta do to am ipeypahagnat so nakenakem da no amraralay ni Ama ta do to a tao.

1 Kedinto 14:37

No myan so tao a yamanci no kapangononong na so ciriciring na ni Ama ta do to a kano manci no keyyan no oyowyat na jya no Seyzi am naknakmen na o yadomket do teygami ko ya. Ta yamonganay ori ji Ama ta do to.

1 Kedinto 14:39

Am ori manga kakteh an, kakzan nyo no mangononong so ciriciring na ni Ama ta do to an. Am ji nyo nengsengi o meyciring so macitarek a ciring an.

1 Kedinto 16:14

Pangozayan nyo o pangangarilawan na do makakaday a vazay nyo.

Ivoso 1:3

Isaray ta ji Ama ta do to a Ama na ni Yeso Kizisto a Panirsirngen ta. Ta yatamo na macibedbed ji Kizisto. So yana rana nitorwan so makakaday a aglaglaw na jyaten a na ipasaray jyaten.

1 Tesalonicya 5:20

Ji nyo ngolala o ipanci da no meylimwang no ciriciring na ni Ama ta do to.

1 Timotay 4:14

Ji mo to nazibwan o oyowyat na jimo no Seyzi a tomalamozong no kyokay. Ta ori rana am nitoro na jimo do kanimanlanlag da nimo no lima da ipeynozi no tomalamozong no kyokay, do mina kapamnek da jimo a mapeyvazay eya.

1 Timotay 5:10

Katenngan da no tao apya so vazay, makananao so anak na, mateneng a manaotao so apo do teysa ka ili a tao. Ji mapahama so nakenakem, kasidong na so amyan so alalaw a tao a kowyat na mahap so apya vazay.

1 Timotay 6:11

Am imo rana am na nipamnekan ni Ama ta do to a yamahap so vazay na. So peymakarwan mo na do akman sang a marahet a kahap mo so meysominogat a onowned. Macilolo ka do apyahen na ni Ama ta do to a kapeyhanhan mo nya. Ji mo a haywan o kapangarilaw mo. Ji ka hayohayowen. Ji ka oyaoyahen.

2 Timotay 2:22

Ji mo nginara sira o malavayo a tao a to mangozay do nakenakem da, ta o ahapen mo am ji meyrahet a nakenakem, kakdeng no onowned mo ji Ama ta do to, kapeypakatkat no pangangarilawan mo a kano kapya no onowned mo do icyatatao mo, do yamo ipacizanod do tao a mahap so vazay na ni Ama ta do to a mazngang so onowned.

Sipolay 12:14

Makowyowyat kamo pa mapeypyapya so nakenakem nyo a kano tao. Ahapen nyo o ji meylimoteng a onowned nyo a macikaop jira. No abo o akman sang jinyo am abo jinyo o makacita si Ama ta do to do teyngato.

2 Pite 1:7

Makakdekdeng kamo pa omraralay ni Ama ta do to a marilaw no akma nyoy kakteh do cinai. Inarahen nyo si Ama ta do to so pangarilawan a marilaw no aro a tao.

3 Yowani 1:11

Ji mo nginara o akman sang a marahet, mo keypong an, ta kahap mo so apiya vazay. Ta o apya so icicirawat am macikaop ji Ama ta do to. O marahet so icicirawat a tao am ji meyngongyod o akman sang a makateneng ji Ama ta do to.