1 Kedinto 13:9 - Seysyo No Tao

⁹ Ta o ta katenngan sicyaikwaya am katey na pa ori. O teneteneng ta a mangononong so ciriciring na ni Ama ta do to am akman sang, ta katey na pa ori.

1 Kedinto 13:9 ပူးပေါင်းရင်းမြစ်များ

Matay 11:27

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.

Loma 11:34

Maniring do Seysyo am, “Sino makateneng do onowned na ni Ama ta do to. Sino makayokod nya tao.”

1 Kedinto 13:10

Am no si marateng rana o yai na ni Yeso no makwa am ji ta rana ngahapa o ji makanet a teneteneng. Ta meyyopowpas rana ori.

1 Kedinto 13:12

O tamo katenngan sicyaikwaya am akmey avwavong apo do kowpasan a kagami a jyasingkad. Am no makwa am mapengkad ta rana. So ta pa ji makamimini si Ama ta do to a katenngan sicyaikwaya. Am no makwa am manoyong o kapakateneng ta rana jya, akman si Ama ta do to a makamimin jyaten a yakatenngan.

1 Kedinto 2:9

Akman so ciring do Seysyo. Ta maniring am, “O nakem na ni Ama ta do to a itoro na do amraralay nya tao am ji da pa nimacita no mata da. Ji da pa nimamizing no cicilwan da. Ji da pa nimanakem no tao.”

1 Kedinto 8:2

O mapakateneteneng a tao am jyanoyong o katenngan na.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

1 Yowani 3:2

Manga ovay, yaten rana sicyaikwaya am anak na yaten ni Ama ta do to. Am yapa jyatenngi sicyaikwaya o keyteytawan ta no makwa. Am katenngan ta o kakman ta si Kizisto so kataotao no mai, ta manoyong o kapakacita ta sya no mai.