1 Kedinto 13:7 - Seysyo No Tao

⁷ O mangarilaw so icyatatao na am to na peyyopowpasa o iraherahet da sya no icyatatao na. Anoyngan na o keyyan no kasaraw a ipamlis da. To peycyabobwa o makakaday a oyaoyyan da no kataotao.

1 Kedinto 13:7 ပူးပေါင်းရင်းမြစ်များ

Matay 10:22

Pacioyyan da inyo a yaomraralay nyaken. Am o jyamama no makakaday a alalaw a tao am mahap da o to meyyonong a ikavyay no pahad da.

Make 9:23

Maniring si Yeso am, “No si manoyong kapeyhanhan mo ni Ama ta do to am abo sapan a vazay.”

Loma 15:1

Yaten rana yamakdeng so onowned ji Ama ta do to am sidongen ta sira o yapa malma so onowned ji Ama ta do to, kabo rana no ikarahet da do vazay ta. Ta beken a kataotao ta o naknakmen ta.

Loma 8:24

O na patazadangan jyaten ni Ama ta do to am ta toda ji ngamoga a yamahap o yana itoro ni Ama ta do to. Am no to na cita o akman sang am ji mancyan ori a yatoda ji ngamoga a mahap a itoro na ni Ama ta do to.

1 Kedinto 13:4

O meyngongyod a mangarilaw so icyatatao na am to nazibwan o oyaoyyan da no kataotao. Kapiya no nakenakem. Ji manginanahet. Ji mapazway. Ji mapakarakarang so nakenakem.

1 Kedinto 9:12

No akman sang o karwan no tao a mangakday jinyo am ikongo ikarahet namen akman sang so nakenakem jinyo. Am namen kajyakmanan so sang. Ta namen to liliwa o namen kakcin a kano namen kahen. Ta ikasengseng na meylimwang no Mapasaray a Ciriciring na ni Kizisto no si myan so tao a manci nyamen a magom so itoro nyo.

Cyalatay 6:2

No myan so alalaw nyo am macisidosidong kamo. Ta ori rana am nanao na jyaten ni Yeso Kizisto.

2 Tesalonicya 1:4

Am ori o namen azwazwayan jinyo do peycyakyokyokayan na a namen angayan. Tana yarako o alalaw nyo a da peyrarehten no tao do nyo kanod ji Yeso am yajyablis o nakenakem nyo an. Am ori o namen azwazwayan jinyo.

2 Timotay 2:24

O lamlamsoy na ni Ama ta do to am ji macililiman, ta apiya o nakenakem na so icyatatao na a kowyat na omnanao sira. Tana ji da ngamiznga am jyahayo o onowned na.

2 Timotay 3:11

Mo katenngan o ko kato nazibwan no aro a alalaw ko do Antia kado Ikenyan a kado Disetela. Am kanisomidong na jyaken ni Yeso a komaro do akman sang a nipeyrarehtan da jyaken no tao.

2 Timotay 4:5

Am imo rana am meypepzat ka do meykamadadayan a vazay mo. Ji mo a mamman o alalaw mo a meylimwang no Mapasaray a Ciriciring. Ta ori o ikowyat mo a mahap so vazay mo ji Ama ta do to.

Sipolay 13:13

Am ori o karwan ta na do adan a raralayan da ni Ama ta do to no tao do Yotay a kapacizanod ta ji Yeso Kizisto do alalaw na.

Yake 1:12

No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.

1 Pite 2:24

Nisabway na ni Kizisto o raraten ta do jyojika. Ori o karwan ta na do peyraratenan ta a somazap so isaray na vazay ni Ama ta do to. O kataotao na ni Yeso a yanimanngannga nyaten am yata nipakahap so to meyyonong a ikavyay no pahad ta.

1 Pite 4:8

O ney makdeng na am ikarilaw nyo o kadwan jinyo. Ta o pangarilawan rana am mapeyyopowpas so makakaday a pasicyakaoyyan ta do karawan.