1 Kedinto 13:5 - Seysyo No Tao

⁵ Ji mapeyvazay so malas a vazay. Jyararaten. Jyaoyaoyahen. Ji na peyyana do onowned na o karatan no tao.

1 Kedinto 13:5 ပူးပေါင်းရင်းမြစ်များ

Matay 5:22

Am ko ipanci jinyo am o macioya do akma ney kakteh do cinai am raraten na rana ori. Omavay so akma ney kakteh do cinai a abo so angangayan a tao am to rana angayan o akman sang a tao do pacicicyan. O mapasagsagpyan so akma ney kakteh do cinai am mangay do makotokotod a lila no apoy.

Matay 9:4

To na rana tenngi ni Yeso o nakenakem da. Maniring jira am, “Ikongo nyo ipacitarek so onowned.

Make 3:5

Marahet o matamata na ni Yeso a tomita so aro a tao. Am ikeyngen na sira no onowned. Ta akman sira so veysen so onowned so kacigcigzang. Maniring rana si Yeso do meykazakazain so lima tao am, “Zanet pala o lima mo.” Zaneten na am todapya rana.

Locya 7:39

Macita na no tomaotao si Yeso a tao a macyagom do Vadisay am naknakmen na do onowned na am, “No yamanoyong o tao eya yapo ji Ama ta do to am jyabo na kaji makatenngan do vazay na no yaminan jya mavakes eya.”

1 Kedinto 10:24

Taosya o kato ta manginanodan so apyahen ta no nakem. Ta panadnaden ta o icyatatao ta.

1 Kedinto 10:33

Inarahen nyo o mina vazay ko a mapasaray so aro a tao a ji mangozay do apyahen ko no nakem. Ta panadnaden o icyatatao. Ta ori o ikablis da no onowned da ipakahap da so to meyyonong a ikavyay no pahad da.

1 Kedinto 11:18

Ney manma na am yamyan so tao a yamanci nya jyaken so nyo ikavwavwak a yameykalyalipenpenan so nakenakem no kamo malwalovot a meynozi. Ko anoyngan no kanoyong no yatatasa dang a ciring.

1 Kedinto 12:25

So icyakma dey asa a macisidosidong.

1 Kedinto 7:36

O nitamtamkan da rana tao a kaji da na ngapan sira am no ji na apzaci no mahakay o onowned na makza no kapapapen na pa am apyapya rana kato na rana mapapenan so yanan na so nakem a mavakes. Ta o akman rana sang am beken a raraten o akman sang.

2 Kedinto 5:19

O yanamen ipeylimwang a ciriciring eya am na nipangozayan si Yeso ni Ama ta do to a yamapanop jyaten a tao do karawan. Na ji nita o raraten no tao. So na torwan nya jyamen so nanao na a meylimwang nya do tao a kanop da rana si Ama ta do to.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Veydipi 2:21

O karwan no tao am o kataotao da o da naknakmen. Da jyanakem o vazay na ni Yeso Kizisto.

Veydipi 4:8

Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.

2 Tesalonicya 3:7

Jyabo nyo kaji makatenngan jyamen a inarahen a. Ta no keyyan namen pa jinyo do dang am jyabo kanimalma namen a.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

2 Timotay 4:16

No keypisa ko pa macirawarawa no kataotao ko am abwata o macikabong jyaken. Am inaoy no ji na peyyana do onowned na o raraten da ni Ama ta do to.

Yake 1:19

Manga kakteh, no mangamizing kamo so ciring no tao am taosya o kato nyo maciogtwan do ciring da jinyo. Ji kamo to meyoyaoya.