1 Kedinto 12:2 - Seysyo No Tao

² Naknakmen nyo pala no kaji nyo pa nganoyngan ji Yeso. Jyabo kaji na nitomalamozongan ninyo ni Satan a, do kanimraralay nyo no malas a iraralay nyo.

1 Kedinto 12:2 ပူးပေါင်းရင်းမြစ်များ

Matay 15:14

Ji nyo ngazidan sira, ta sira rana am kapalangayan da o mavota tao a mangonong no tao. No mangalay so mavota o mavota tao am mangay o kangay da matazangeb no rarwa ang.”

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

Cyalatay 4:8

No kakwa pa am ji nyo a tenngi si Ama ta do to. Am ori o ikanoyong nyo a lamlamsoy no makakaday a malas a iraralay nyo.

1 Tesalonicya 1:9

Ta yaro o tao a yamanci nya jyamen so kapiya no nitaotawwan nyo jyamen no kangay namen jinyo do dang a kano yanyo mina kakaro rana do yamalas a niraralay nyo a yarana omanod ji Ama ta do to a yaomraralay nya a yamanoyong a yamavyay a Tao do to.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

1 Pite 1:18

Naknakmen nyo o kaji na nitombosan jinyo ni Ama ta do to no monganay jinyo a ovay, do nyamoon nyo a malas a icicirawat no ineynapo nyo no kakwa.

1 Pite 4:3

Teywara o mina raraten nyo no kakwa. Ta meyyangay kamo pa so vazay a kano ji raralay ni Ama ta do to a tao a to meyvozaw a mapasagpyan so aktokto nyo a masakisakin, manaralay so malas a tao do to nyo, pacyangayan no makakaday a raraten nyo.