1 Kedinto 11:32 - Seysyo No Tao

³² Am o oyyan na nyaten ni Ama ta do to am inanao na jyaten. Ta ori o ji ta macizanoji do ji nganoyong jya tao a peydednan na so peyoyaoyyan na no makwa.

1 Kedinto 11:32 ပူးပေါင်းရင်းမြစ်များ

Loma 3:19

O iwawalam na ni Moyse am itoro na ni Ama ta do to do tao do Yotay a pangozayan da. So ikabo no tao do karawan a omalalas do raraten da do tangain na ni Ama ta do to.

Loma 5:16

Meyraraten si Adam. Am ori o iyan no raraten no tao a mangay do kararatan. Am o meyhanhan ni Yeso Kizisto a tao am mavonas o raraten da, ta mahap da o pangangarilawan na ni Ama ta do to. Am ori o abnekan na rana sira abo so raraten do tangain na.

1 Kedinto 1:20

No akman sang am wanjin o teneteneng da no mateneng a tao. Wanjin o teneng da no aro so nivilangan a tao. Wanjin sira o makey a macinekanekad a tao do karawan. So na nipeyolyan sya ni Ama ta do to so teneteneng no tao do karawan abo so angangayan.

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

1 Kedinto 11:30

Am ori o na iyan rana jinyo no yameykeyngeyngen a kano yanimawakwak.

1 Kedinto 11:31

No panmanmahen ta pa o kanakenakem ta so nikaratan no onowned ta am jyabo kaoya na nyaten ni Ama ta do to a.

1 Kedinto 11:33

Am ori an, manga kakteh an. No malwalovot kamo a omapapaw si Yeso am macipananala kamo an.

1 Timotay 1:20

O akman rana sang a tao am si Siminay a kani Yadisanta. So ko na nitorwan nira ji Satan a italamozong na, ta ori pa o ipakateneng da do apya, kaji da na rehrehtan si Ama ta do to.

1 Yowani 5:19

Tamo katenngan o kapacikaop ta ji Ama ta do to. So ta pakatenngan do kapacikownongan da ji Satan no yaji manganoyong a tao do karawan.

Ipaziman 3:19

O ikarilaw ko a tao am miminen ko sira vavagan. Am ori o ipeypakdeng nyo so nakem a komaro do raraten nyo.