1 Kedinto 11:16 - Seysyo No Tao

¹⁶ No si myan pa so jyalpid a tao am naknakmen na o kabo no meytarek a iwawalam ta. So da ikamimin no peycyakyokyokayan na yanan no yakman sang a iwawalam.

1 Kedinto 11:16 ပူးပေါင်းရင်းမြစ်များ

Nimlivolivon 21:21

Mamizing da imo a nimangnanao so tao do Yotay a meyili do beken a ili da no tao do Yotay am nipanci mo kono o kataosya da so iwawalam ni Moyse. Nipanci mo kono o kataosya da rana so kayongkad do kanakan.

Nimlivolivon 21:24

Palolwen mo sira a macihza jimo a mangay omahap so iwawalam ta tao do Yotay a katoro mo so nizpi do akdawan da jira. Golgolan da o oo da. Ta yongkad no kapangononong no mina ciring da si Ama ta do to. Ta si makman kamo sang am panoyngen da rana imo no tao a jya nimanci no akman sang a vazay, do kapacyanoyong mo do iwawalam no tao do Yotay.

1 Kedinto 11:15

O mavakes am ikazway da o anaro a avok da. Ta o anaro a avok da no mavakes am ibonbon da do oo da.

1 Kedinto 16:1

O peysinsinmowen rana isidong so sinjya do Yelosaleng am to nyo manginarai o mina ciring ko so peycyakyokyokayan na do Cyalatay.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

1 Kedinto 7:17

Mamimin ta mangozay do nitoro na ni Ama ta do to a ahapan so kataotao ta an. So ji ta mapasalai jya. Ta ori o yako ipangnanao do peycyakyokyokayan na.

1 Kedinto 9:1

Jyabo kato ko ngonongonongan do vazay ko a, ta na nipamnekan yaken ni Kizisto amlivolivon no ciriciring na. Manngwa, ko jya nimacita si Yeso a Panirsirngen ta? Manngwa, beken a inyo na kakownongan no vazay ko ji Yeso?

1 Kedinto 9:6

Manngwa, abo nakenakem nyo jyamen si Parnapo a yamnanao jinyo no ciriciring na ni Ama ta do to a kato namen ngonongonongan do kahakakaw namen a amyaw so velek namen?

1 Tesalonicya 2:14

Manga kakteh, o alalaw nyo a kano alalaw da no aro a kyokay do Yotay am alalaw da ori no omanod ji Ama ta do to a tao. Ta o iraherahet da jinyo no keylyan nyo am akman so sang o iraherahet da so aro a kyokay no tao do Yotay.