1 Kedinto 10:17 - Seysyo No Tao

¹⁷ Tana tamo aro am yasa saon o pang a tamo kanen am. So yatamo icyakmey yasa rana so kataotao.

1 Kedinto 10:17 ပူးပေါင်းရင်းမြစ်များ

Loma 12:5

Yakman sang, ta tana tamo aro a tao am tamo akmey asa ka tao ji Yeso Kizisto a yamacisidosidong.

1 Kedinto 10:21

Marahet o keyyop nyo so rala ni Yeso a nyo keyyop so monganay ji Satan. Marahet o kakan nyo so kataotao ni Yeso a kakan nyo so monganay ji Satan.

1 Kedinto 12:12

Yasa o kataotao ta am yameykataretarek o peyvongvongwan ta. Tamo akman sang an. Tana ta aro a yamraralay ni Ama ta do to am tamo yakmey asaha a kataotao na ni Kizisto.

1 Kedinto 12:27

Inyo rana am kataotao na inyo ni Kizisto. So ikamimin nyo akma ney kataotao.

Ivoso 3:6

O ji da nipatwaw a nanao na am na rana pazanoden o beken a tao do Yotay do meyngongyod a tao do Yotay a makahap so aryarilaw na jyaten ni Ama ta do to, do kanimakamizing nyo rana so Mapasaray a Ciriciring na ni Kizisto. So nyo rana icyakmey yasa so nakem a kano tao do Yotay a meyhanhan ni Yeso Kizisto a makahap so to meyyonong a ikavyay no pahad nyo.

Ivoso 4:16

Yaten rana yamraralay nya tao am akma ney kataotao yaten. Iya am yatomalamozong nyaten. Ori ta icyakmey yasa so nakenakem yamarilaw no kadwan jyaten. Ta yaten rana akmey meyketeketeh do cinai am cinamaog no kataotao na. No si akma tey yasa mapanod so nakenakem ta ji Kizisto am tey rako o oyowyat ta, do kapeyyanowanop na jyaten no pangangarilawan na ni Kizisto.

Ivoso 4:25

Am ori o ji nyo na mangononongi so malas. O manoyong a ciring o patwawen nyo do akma nyoy kakteh do cinai, ta tamo mamimin a akma ney peyvongvongwan no kataotao ni Kizisto.

Ivoso 4:4

Ta yaten rana yamraralay ni Yeso am yata akmey yasa so kataotao. Yasa o Seyzi a yamyan jyaten a yasa so ipeynanakem a yameyhanhan ni Ama ta do to a yanimapanop jyaten.

Kelosi 2:19

Sira rana am ji sira rana macikaop ji Yeso Kizisto. Ta si Yeso Kizisto rana am Panirsirngen ta a yamraralay nya tao. So ta icyakmey kataotao na. No macikaop ta na ji Kizisto a yamraralay nya am ori o ipeypahagnat ta rana so onowned, do kapakateneng ta rana do manoyong a nanao na ni Ama ta do to.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

Kelosi 3:15

O nitoro na ni Kizisto a ikapiya no onowned nyo am ipeypalanginan na inyo. Isaray nyo ji Ama ta do to. Ta iya o yanimamnek jinyo akmey yasa so kataotao, do yana kanitomoro nya jinyo so ikapiya no onowned nyo.